1 Samuweli 3:1 - Siswati 1996 Bible

¹ Umfana Samuweli abekhonta Simakadze ngaphansi kwa-Eli. Kulawo malanga livi laSimakadze lase lilivelakancane, nemibono yayingasekavami.

1 Samuweli 3:1 Referencias Cruzadas

Tihlabelelo 74:9

Tibonakaliso tenkholo yetfu asisatiboni, sekute ngisho nemphrofethi, kute ngisho nalapha emkhatsini wetfu lowatiko kutsi kuyawudzimate kube ngunini.

Taga 29:18

Lapho kute khona kwembulelwa nguNkulunkulu, bantfu bayeduka; kodvwa ubusisiwe umuntfu logcina umtsetfo waNkulunkulu.

Isaya 13:12

Umuntfu ngiyakumenta asweleke kakhulu kunegolide lecengekile, ngimente abe yindlala kunegolide yase-Ofiri, lengatfolakali kalula.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

1 Samuweli 2:11

Elkhana wabe sewubuyela ekhaya lakhe eRama, kodvwa lomfana wakhe wasala akhonta Simakadze ngaphansi kwemphristi Eli.

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.

1 Samuweli 2:35

Ngiyawutivusela mine umphristi lowetsembekile, loyawukwenta loko lokusenhlitiyweni yami nasengcondvweni yami. Ngiyakumakhela situkulwane lesicinile, uyawuhamba embikwalogcotjiwe wami phakadze naphakadze.

1 Samuweli 2:36

Bonkhe bendlu yakenu labayawube basele bayawuta bakhotsame embikwakhe, bakhotsamele inhlavana yesiliva nelucetwana lwesinkhwa, batincengele, batsi: “Ngicela mane ungivumele ngisite baphristi, kumbe ngingamane ngitfole lucetwana lwesinkhwa.” ’ ”

1 Samuweli 3:15

Samuweli walala kwaze kwasa; kwase kutsi nakusa, wahamba wayakuvula iminyango yendlu yaSimakadze. Wesaba kutjela Eli lombono,

1 Samuweli 3:21

Simakadze waphindze watibonakalisa eShilo; ngobe lapho Simakadze watembula kuSamuweli ngelivi laSimakadze.