1 Samuweli 29:6 - Siswati 1996 Bible

⁶ Ngako Akhishi wabita Davide, wamtjela watsi: “Kuphila kwaSimakadze, wena bewusetsembekile, nami bengingajabula kakhulu kuhamba nawe siyekulwa imphi. Kusukela ngelilanga lowefika ngalo kami kuze kube ngunyalo, angikaze ngasitfola sono kuwe, kodvwa noko tindvuna tami atikuvumeli wena kutsi uhambe natsi.

1 Samuweli 29:6 Referencias Cruzadas

Genesisi 16:6

Abrama watsi kuSarayi: “Lalela la, Hagari sisebenti sakho, uphetfwe nguwe. Mphatse njengekubona kwakho.” Sarayi wase umphatsa ngelulaka loHagari, wadzimate Hagari wabaleka.

2 Samuweli 3:25

Nawe uyamati Abneri, umsa waNeri; abetele kutakukuyenga nekubukisisa kuphuma nekungena kwakho, kuze atekuhlolisisa kahle konkhe lokwentekako.”

2 Emakhosi 19:27

“ ‘Kodvwa ngiyati kutsi uhlalaphi, ngikwati nawungena nome uphuma, nekutsi ungibhodlela kanjani.

Tihlabelelo 121:8

Simakadze uyawulondvolota kuphuma kwakho nekungena kwakho, kusukela manje kuze kube phakadze.

Isaya 37:28

“Kodvwa ngiyati kutsi uhlalaphi, ngikwati nawungena nome uphuma, nekutsi ungibhodlela kanjani.

Isaya 65:16

Lowo loncenga sibusiso eveni uyawutibusisa ngaNkulunkulu lowetsembekile; lowo lowenta sifungo eveni uyawufunga ngaNkulunkulu lowetsembekile. Ngobe tinhlupheko letendlulile tiyawukhohlakala, tifihlakale emehlweni ami.”

Jeremiya 12:16

Nangabe bafundze kahle tindlela tebantfu bami base bafunga ngeLibito lami, batsi: ‘Ngifunga kuphila kwaSimakadze,’ njengaloku bake bafundzisa bantfu bami kutsi bafunge ngaBhali, bayawube sebayahlaliswa emkhatsini wesive sami.

Numeri 27:17

iphume ingene embikwaso, isihole ngekusikhipha nekusingenisa, kuze sive saSimakadze singafani netimvu letingenamelusi.”

Matewu 5:16

Kanjalo-ke akukhanye kukhanya kwenu embikwebantfu, kuze babone lokulungile lenikwentako, bese badvumisa uYihlo losezulwini.”

Dutheronomi 10:20

Yesabani Simakadze Nkulunkulu wenu, nimkhonte. Bambelelani kuye nitsatse tifungo tenu egameni lakhe.

Joshuwa 22:30

Watsi kube Finehasi, umphristi, nebaholi besive, tinhloko telusendvo ngelusendvo ka-Israyeli, beve loko lokwakukhulunywe sive sakaRubeni, nesakaGadi, nencenye yesive sakaManase, bajabula kakhulu.

1 yaPhetro 2:12

Philani imphilo yekulunga emkhatsini wemahedeni, khona kutawutsi nome banihleba ngekutsi nenta lokubi, kodvwa batsi bangabona imisebenti yenu lemihle, badvumise Nkulunkulu ngelilanga lekubuya kwakhe.

1 yaPhetro 3:16

Loku nikwente ngebumnene nangekuhlonipha, nibe nanembeza lomsulwa, kuze kutsi kuloko labanihleba ngako bajabhiswe labo labetfuka kuhamba kwenu lokuhle kuKhristu.

1 Samuweli 20:3

Kodvwa Davide wenta sifungo, watsi: “Uyihlo uyati kutsi wena ungitsandza kanganani, waze watsi: ‘Jonathani akufanele akwati loku, ngobe angaphatseka kabi.’ Noko ngifunga ngekuphila kwaSimakadze nangekwakho kutsi sinye sinyatselo kuphela lesisemkhatsini wami nekufa.”

1 Samuweli 28:10

Sawula wafunga kuso ngaSimakadze, watsi: “Ngempela kuphila kwaSimakadze, ungeke ukufele loko.”

1 Samuweli 29:3

Tindvuna temphi yemaFilisti tabuta tatsi: “Afunani lamaHebheru lawa?” Akhishi waphendvula watsi: “AkusiDavide yini lona lobekayindvuna lenkhulu yaSawula, inkhosi yema-Israyeli? Sekuze kuphele umnyaka wonkhe solomane ahlala nami lapha, kusukela ngelilanga labaleka ngalo kuSawula kuze kube ngulamuhla, angikaze ngamtfola anelicala.”

1 Samuweli 29:7

Ncandzeka-ke uhambe ngekuthula; ungenti lutfo lolutawucunula letindvuna temaFilisti.”

1 Samuweli 5:8

Ngako ase abita bonkhe babusi bemaFilisti labasihlanu, atsi: “Sitakwenta njani ngalelibhokisi lesivumelwane saNkulunkulu wema-Israyeli?” Babusi bawaphendvula batsi: “Lelibhokisi lesivumelwane saloNkulunkulu wema-Israyeli lisuseni lapha kitsi niyekulibeka eGathi.” Ngako lelibhokisi lesivumelwane saNkulunkulu wema-Israyeli avele alisusa.