1 Samuweli 29:2 - Siswati 1996 Bible

² Kwatsi ngesikhatsi tindvuna temabutfo emaFilisti tishuca ngeticheme tato temakhulu netetinkhulungwane, Davide abeshuca ngemva nelibutfo lakakhe bana-Akhishi.

1 Samuweli 29:2 Referencias Cruzadas

1 Tikhronike 12:19

Lamanye emadvodza akaManase ahlephuka alandzela Davide ngesikhatsi ahamba nemaFilisti kuyakulwa nenkhosi Sawula. Empeleni yena nemadvodza akakhe akazange awasite emaFilisti, ngobe emvakwekuhlolisana, inkhosi yawo yavele yamcosha. Bakhuluma batsi: “Phela sitawubulawa sonkhe lapha, nakungenteka Davide abuyele enkhosini yakhe Sawula.”

Numeri 10:25

Ekugcineni kwase kulandzela tigaba teticheme tesive sakaDani ngaphansi kwesiboniso sebuve baso letaba sivikelo sema-Israyeli ngemuva. Umholi waso bekungu-Ahiyezeri, umsa wa-Amishadayi.

Joshuwa 13:3

kusukela eMfuleni iShihori, emphumalanga neGibhithe, kuye eveni la-Ekroni ngasenyakatfo, lonkhe libalwa ngekutsi lemaKhenani, live lebabusi bemaFilisti labasihlanu eGaza, nase-Ashdodi, nase-Ashkeloni naseGathi, kanye nase-Ekroni kulema-Avi;

1 Samuweli 6:4

EmaFilisti abuta atsi: “Ngumuphi umnikelo welicala lesingawutfumela kuye?” Baphendvula batsi: “Ngematfumba lasihlanu egolide, nemagundvwane lasihlanu egolide njengelinani lebabusi bemaFilisti, ngobe lesishayo sehlele nine kanye nebabusi benu.