1 Samuweli 27:12 - Siswati 1996 Bible

¹² Akhishi wametsemba Davide, waze wacabanga watsi: “Bantfu bakubo baka-Israyeli bamtondza kakhulu, ngako sewutaba yinceku yami kokuphela.”

1 Samuweli 27:12 Referencias Cruzadas

Genesisi 34:30

Jakobe wakhuluma kuboSimeyoni naLevi watsi: “Manje seningiletsele luhlupho, seningibangele kutsi ngitondzeke lapha kulabantfu bakulendzawo, kumaKhenani nakumaPheresi. Mine nginemadvodza lambalwa, ngako nabangahlangana bangihlasele bonkhe kanyekanye, bangangibhubhisa kanye nemndeni wami.”

2 Samuweli 10:6

Ema-Amoni atsi kube abone kutsi asatente aba liphunga lelibi kuDavide, ase acasha emasotja emaSiriya lati-20 000, ashuca ngetinyawo esuka eBhethi Rehobu, naseSobha; nasenkhosini yaseMakha kwaphuma emadvodza layinkhulungwane, naseThobu kwaphuma emadvodza lati-12 000.

Eksodusi 5:21

Takhuluma kuboMosi na-Aroni tatsi: “Shangatsi Simakadze angakubona loko lesenikwentile, anijezise, ngobe senente liphunga letfu lenyanyeka kuFaro nakutiphatsimandla takhe. Senibahlomisile kuze kutsi basibulale kalula.”

1 Samuweli 13:4

Ngako onkhe ema-Israyeli ayiva lendzaba, nakutsiwa: “Sawula uhlasele inkambu yemaFilisti wayehlula, manje-ke ema-Israyeli asasikhubekiso kumaFilisti.” Sonkhe sive samenyetwa, sayawuhlangana naSawula eGilgali.

1 Samuweli 27:11

Abengashiyi ndvodza namfati aphila, kutsi ete naye eGathi, ngobe abecabanga atsi: “Bangahle bakhulume ngatsi batsi: ‘Naku-ke Davide lakwentile.’ ” Loko kwakungumkhuba wakhe ngesikhatsi asahlala nemaFilisti eveni lawo.

1 Samuweli 28:1

Ngalawo malanga emaFilisti abutsana ngemabutfo awo atilungiselela kulwa nema-Israyeli. Akhishi wakhuluma kuDavide, watsi: “Kufanele wati kutsi wena kanye nemphi yakho nitawuhamba natsi siyekulwa imphi.”