1 Samuweli 26:18 - Siswati 1996 Bible

¹⁸ Wachubeka wambuta watsi: “Pho, inkhosi yami iyicoshelani inceku yayo? Ngenteni? Nginacala lini?

1 Samuweli 26:18 Referencias Cruzadas

Tihlabelelo 119:161

Tikhulu tingitingela ngaphandle kwesizatfu, kodvwa livi lakho liyangitfutfumelisa.

Tihlabelelo 35:7

Njengobe bangibekele lugibe ngaphandle kwesono, bangimbela umgodzi lolugibe ngingenacala,

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Jeremiya 37:18

Jeremiya wakhuluma enkhosini Sedekiya, watsi: “Cala lini lengilentile kuwe, nome-ke etindvuneni takho, nome kulesive lokwekutsi ningaze ningivalele ejele?

Johane 10:32

Jesu wawaphendvula watsi: “Minyenti imisebenti lengiyente embikwenu lengiyinikwe nguBabe. Ngumuphi-ke lona lenifuna kungigcobela wona ngalamatje?”

Johane 18:23

Jesu wamphendvula watsi: “Nangikhulume kabi, shano phela kutsi ngitsiteni; kodvwa nangikhulume liciniso, ungishayelani?”

Johane 8:46

Ngubani nje emkhatsini wenu longangilahla ngesono? Pho, aningikholwa ngani, nanginitjela liciniso?

1 Samuweli 17:29

Davide wabuta watsi: “Manje sengenteni? Sengingabe ngisakhuluma nje nekukhuluma?”

1 Samuweli 20:1

Davide wesuka wabaleka eNayothi, eRama, waya kuJonathani, wafike wabuta watsi: “Sengenteni? Yini licala lami? Siyini sono sami kuyihlo kutsi angaze afune kungibulala?”

1 Samuweli 24:9

Watsi kuSawula: “Ubalalelelani labantfu labatsi: ‘Davide ufuna kukulimata?’