1 Samuweli 25:36 - Siswati 1996 Bible

³⁶ Watsi Abigayili nakaya kuNabali, wamkhandza asendlini ente lidzili lelifana nelenkhosi. Abetsakasile, adzakwe angumhlaba. Ngako kute lamtjela kona, kwaze kwaba ngusekuseni ngakusasa.

1 Samuweli 25:36 Referencias Cruzadas

2 Samuweli 13:23

Emvakweminyaka lemibili, batsi bahhuli betimvu baka-Absalomu baseseBhali Hasori, edvute nemnyele waka-Efrayimu, Absalomu wamema onkhe emadvodzana enkhosi.

2 Samuweli 13:28

Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”

2 Samuweli 3:20

Ngesikhatsi Abneri, labehamba nalamadvodza langema-20, efika kuDavide eHebroni, Davide wamlungiselela lidzili yena kanye nalamadvodza labehamba nawo.

1 Emakhosi 20:16

Baphuma emini kuyawuhlasela ngesikhatsi Bheni Hadadi nalamakhosi langema-32 labemsita, baselibele kutinklinkla ngetjwala emathendeni abo.

Tihlabelelo 112:5

Ubusisiwe umuntfu lowephanako, ebolekise ngesihle, lowenta tonkhe tintfo ngekwetsembeka.

Taga 20:1

Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.

Umshumayeli 10:19

Lidzili lentelwa injabulo, neliwayini lenta kutsi kutsakaswe; kodvwa imali iyimphendvulo yako konkhe.

Isaya 28:3

Lowo mchele letitigabatisa ngawo tidzakwa taka-Efrayimu, uyawugcotjwagcotjwa phansi ngetinyawo.

Isaya 5:11

Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.

Jeremiya 51:57

Ngiyawudzakisa tindvuna tayo kanye nalabahlakaniphile bayo, nebabusi bayo, netiphatsimandla tayo, kanye nemabutfo ayo nawo. Bayawulala kokuphela bangaphindzi bavuke,” kusho iNkhosi, lelibito layo kunguSimakadze longuSomandla.

Hoseya 4:11

batinikela ebugwadleni, nasewayinini lelisha nalelidzala, lokususa kucondza

Nahume 1:10

Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.

Matewu 10:16

“Lalelani! Nginitfuma njengetimvu emkhatsini wetimphisi. Ngako-ke hlakaniphani njengetinyoka, nibete bucili njengematuba.

Lukha 14:12

Jesu wase utsi kulona lammemile: “Nawente lidzili, ungabomema tihlobo takho, nome banakenu, nome tinini, nome bomakhelwane bakho labacebile, ngobe nawe bayawukumema, ngalendlela-ke uyawube sewuwutfolile umvuzo waloko kwenta kwakho.

Lukha 21:34

“Ticaphelisiseni! Ningatifaki kakhulu emadzilini nasekunatseni lokudzakanako, nasekunakeni tintfo talomhlaba, funa lelo langa linitume;

KubaseRoma 13:13

Asitiphatse ngalokufanele njengalabahamba emini, hhayi ngekumita nangekudzakwa, hhayi ngekuphinga nangekugwadla, hhayi ngekucabana nangemona,

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

Kubase-Efesu 5:18

Ningadzakwa, ngobe kuvela kuko inkhanuko, kodvwa gcwaliswani ngaMoya.

1 Samuweli 25:19

Wabe sewutjela tinceku takhe watsi: “Hambani embili; mine ngitanilandzela ngemuva.” Kodvwa akazange ayitjele indvodza yakhe, Nabali.

1 Samuweli 25:37

Kwatsi ekuseni Nabali asasangulukile engcondvweni, asazitsile, umkakhe wamtjela tonkhe leto tintfo. Inhlitiyo yaNabali yashaya kancane, wamane woma nje, wafanana nelitje.