1 Samuweli 25:29 - Siswati 1996 Bible

²⁹ Nome ngabe kukhona lokucosha ngemuva afuna kukubulala, kuphila kwenkhosi yami Simakadze Nkulunkulu wakho utakuvikela ngekutsi akubophe inyandza kanye nalabaphilako. Kodvwa kuphila kwetitsa takho utakujikijela akulahle khashane njengelitje liphuma esidubulelweni.

1 Samuweli 25:29 Referencias Cruzadas

Genesisi 15:1

Emvakwaloko livi laSimakadze lefika ku-Abrama ngembono, latsi: “Abrama, ungesabi. Ngisihlangu sakho, umvuzo wakho utawuba mkhulu.”

2 Samuweli 4:8

Lenhloko ya-Ishboshethi bayimikisa kuDavide eHebroni, bafike kuye, batsi: “Nansi inhloko ya-Ishboshethi, umsa waSawula, sitsa sakho labetama kukubulala. Lamuhla Simakadze sewukhokhele inkhosi yami sibhongo kuSawula nentalelwane yakhe.”

Jobe 27:22

Lomoya utijikijela etikwakhe ungasenamusa kuye, agijime ashiye inyosi abalekela emandla awo.

Tihlabelelo 116:15

Kuligugu emehlweni aSimakadze kufa kwalabangcwele bakhe.

Tihlabelelo 54:3

Bafokati bangivukele, bayangihlasela, tidlova letinelunya tifuna kungibulala, atinendzaba naNkulunkulu. Cabanga.

Tihlabelelo 66:9

Nguye logcina umphefumulo wetfu uphilile, akativumeli tinyawo tetfu kutsi tishelele.

Jeremiya 10:18

Ngobe naku lokushiwo nguSimakadze, utsi: “Ngalesikhatsi ngiyawubadzacata labo labakhile kulelive. Ngiyawubacindzetela ngenjabhiso lembi, kuze bakuve bonkhe.”

Malakhi 3:17

Simakadze longuSomandla utsi: “Bayawuba bami ngelilanga lengiyawulungisa ngalo konkhe, babe bantfu bami labaligugu lami. Ngiyawubaphephisa njengendvodza nayiphephisa indvodzana yayo leyisebentelako.

Johane 14:19

Kodvwa sekusele sikhashana live lingabe lisangibona, noko nine niyawungibona, ngobe mine ngiphila, nani futsi niyawuphila.

Johane 17:21

Ngithandazela kutsi babe munye bonkhe, njengaloku wena, Babe, ukimi, nami ngikuwe, kuze kutsi nabo babe kitsi, khona live litawukholwa kutsi ngitfunywe nguwe.

Johane 17:23

mine ngikubo, nawe ukimi, bapheleliswe ebunyeni, kuze live lati kutsi wangitfuma nekutsi nabo uyabatsandza, njengobe nami wangitsandza.

Dutheronomi 33:29

Ubusisiwe wena, Israyeli! Ngubani lofanana nawe, sive lesisindziswe nguSimakadze? Nguye losihlangu sakho nemsiti wakho, nenkemba yakho yeludvumo. Titsa takho tiyawutiletsa kuwe, wena uyakutigcobagcoba tindzawo tato letiphakeme.”

1 yaPhetro 1:5

Nkulunkulu uyawunigcina ngemandla akhe, njengobe nimetsemba, kube kusindziswa lokutakwembulwa ngesikhatsi sekugcina.

1 Samuweli 2:9

“Uyakwelusa tinyawo talabangcwele bakhe, kodvwa lababi bona bayawubhujiswa ebumnyameni. Ngobe umuntfu akancobi ngetikhwepha takhe.