1 Samuweli 25:24 - Siswati 1996 Bible

²⁴ Watijika etinyaweni takhe, watsi: “Nkhosi yami, licala alibe setikwami. Ngicela mane uvumele incekukati yakho kutsi seyimane ikhulume; ulalele kutsi incekukati yakho itawutsini.

1 Samuweli 25:24 Referencias Cruzadas

Genesisi 44:18

Juda wasondzela kuJosefa watsi: “Ngiyakuncenga, nkhosi yami, kutsi sengimane ngikhulume nawe inhlitiyo yami yonkhe. Ngicela ungangicansukeli, nome ulingana naFaro matfupha.

2 Samuweli 14:12

Lomfati wakhuluma watsi: “Ngicela kutsi incekukati yakho seyikhulume livi libe linye enkhosini yami.” Inkhosi yatsi: “Khuluma.”

2 Samuweli 14:9

Lomfati waseThekhowa waphendvula watsi: “Nkhosi yami, shangatsi licala lingabasetikwami nasetikwendlu yababe, kodvwa inkhosi netinceku tayo bangabi nacala.”

2 Samuweli 20:17

Jowabe waya kuye. Lomfati wambuta watsi: “Nguwe kambe, Jowabe?” Jowabe watsi: “Nginguye.” Lomfati watsi: “Lalela-ke kutsi incekukati yakho itsini.” Jowabe watsi: “Ngilalele.”

2 Emakhosi 4:37

Lomfati wangena, wawela etinyaweni ta-Elisha, wakhotsamela emhlabatsini. Wase utsatsa lendvodzana yakhe, waphuma nayo.

Esta 8:3

Esta waphindze wayawukhuluma enkhosini; watilahla etinyaweni tayo, akhala. Wayincenga kutsi isale seyiwuhocisa lomkhankhaso lomubi wekubulala onkhe emaJuda, njengobe bekuhlose Hamani, umtukulu wa-Agagi.

Taga 25:15

Ngekubeketela umbusi angancengeka aze avume, nelulwimi lolumnandzi lungatsambisa ematje.

Umshumayeli 10:4

Nangabe intfukutselo yembusi ikuvukela, ungawushiyi umsebenti wakho. Kutfobeka kulungisa emaphutsa lamakhulu.

Matewu 18:29

Lesisebenti sawa phansi satincengela satsi: ‘Ase umane ungibeketelele, ngitakubhadala.’

1 Samuweli 24:8

Davide naye wase uyaphuma kulomhume; wamemeta Sawula watsi: “Bayethe, nkhosi yami.” Watsi uyagucuka Sawula, Davide wakhotsama wabhekisa buso bakhe phansi.

1 Samuweli 25:23

Watsi kube Abigayili abone Davide, washesha wehla embongolweni yakhe, wakhotsama embikwaDavide abhekise buso bakhe phansi.

1 Samuweli 25:25

Shangatsi inkhosi ingete yayinaka lendvodza lekhohlakele lenguNabali. Ufanana nelibito lakhe, lelisho Silima, naye unebulima. Kodvwa mine, ncekukati yakho, angikawaboni lamadvodza labetfunyelwe yinkhosi yami.

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.