1 Samuweli 24:15 - Siswati 1996 Bible

¹⁵ Shangatsi Simakadze angaba ngumehluleli ehlulele emkhatsini wetfu sobabili, angimelele ngekungitfola ngite licala, angikhulule esandleni sakho.”

1 Samuweli 24:15 Referencias Cruzadas

2 Tikhronike 24:22

Inkhosi Jowashi ayizange iwukhumbule umusa leyayiwentelwe nguyise waZakhariya, labenguJehoyada, yesuka yabulala umsa wakhe. Zakhariya watsi nase alayela, asafa watsi: “Shangatsi Simakadze angasibona lesento senu anivuze ngaso.”

Tihlabelelo 119:154

Mela indzaba yami, ungikhulule, hlumelelisa kuphila kwami njengekwetsembisa kwakho.

Tihlabelelo 35:1

Cabana nalabo labacabana nami, ulwe nalabo labalwa nami, Simakadze.

Tihlabelelo 43:1

Hhawu Nkulunkulu, ngikhulumele ungimele ecaleni lami. Ungephule esiveni lesingamesabi Nkulunkulu, ungikhulule nakumuntfu lonemacebo nalongakalungi!

Mikha 1:2

Lalelani naku, nine tive nonkhe: nilalele nani mhlaba wonkhe! INkhosi Simakadze iyakunilahla ngelicala. Lalelani! Ukhuluma asethempelini lakhe.

Mikha 7:9

Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.

Tikhulu 11:27

Mine angikakoni ngalutfo, kodvwa nguwe lowonile ngekufuna kungihlasela ngemphi. Shangatsi Simakadze longuyena angumehluleli angakhipha sigwebo lamuhla emkhatsini wesive sema-Israyeli nesive sema-Amoni.’ ”

1 Samuweli 17:43

Watsi kuDavide: “Ngiyinja yini, kutsi ungeta kimi uphetse tindvuku?” LomFilisti wacalekisa Davide ngabonkulunkulu bakhe,

1 Samuweli 24:12

Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.

1 Samuweli 25:39

Watsi kube Davide eve kutsi Nabali sewufile, watsi: “Akadvunyiswe Simakadze, longiphindziselele kuNabali ngekungetfuka kwakhe. Ungigcinile, ngangete ngakwenta lokubi, kodvwa wajezisa Nabali ngenca yekona kwakhe.” Davide watfumela livi ku-Abigayili, amsoma kutsi abe ngumkakhe.

1 Samuweli 26:20

Ungavumi kutsi ingati yami icitsekele emhlabatsini lokhashane nebukhona baSimakadze. Inkhosi yema-Israyeli iphumele kutewufuna likululu, njengemuntfu lotewutingela intsendzele etintsabeni.”

1 Samuweli 26:4

Davide wabe sewutfumela tinhloli letafike takhandza kutsi vele Sawula abesafikile lapho.