1 Samuweli 24:11 - Siswati 1996 Bible

¹¹ Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 24:11 Referencias Cruzadas

2 Samuweli 1:14

Davide wambuta watsi: “Wena awukesabi ngani kuphakamisa sandla sakho nekubulala umgcotjwa waSimakadze?”

2 Emakhosi 5:13

Tinceku taNamani taya kuye, tafike tatsi: “Babe, kube lomphrofethi abetsite yenta intfo lelukhuni, bewungeke uyente yini leyontfo? Kakhulu kanganani-ke njengobe akutjele watsi: ‘Geza utewuhlambuluka.’ ”

Jobe 10:16

Nangitsi ngiphakamisa inhloko yami, wena ungihoshobela ungifunise kwelibhubesi, uphindze futsi ungihluphe ngetigemegeme temandla akho lesabekako.

Tihlabelelo 119:161

Tikhulu tingitingela ngaphandle kwesizatfu, kodvwa livi lakho liyangitfutfumelisa.

Tihlabelelo 140:11

Shangatsi labo labacambela labanye emanga, bangete baphumelela. Shangatsi bubi bungahlasela tidlova.

Tihlabelelo 35:7

Njengobe bangibekele lugibe ngaphandle kwesono, bangimbela umgodzi lolugibe ngingenacala,

Tihlabelelo 59:3

Ase ubheke, ngobe bangilalele endleleni bafuna kungibulala, tichwaga titimisele kungihlasela ngaphandle kwesono sami, Simakadze.

Tihlabelelo 7:5

nakunjalo-ke: Sitsa sami asingitingele size singibambe, siyigcobagcobe emhlabatsini imphilo yami, ludvumo lwami luphelele elutfulini. Cabanga.

Taga 15:1

Imphendvulo letfobekile icitsa intfukutselo; kodvwa leyedzelelako nalenelulaka iyatfukutselisa.

Sililo 4:18

Emadvodza asibekela lugibe kuto tonkhe tinyatselo tetfu, ngaloko asikhonanga kuhamba etitaladini tetfu, kuphela kwetfu kwakusedvute, nemalanga etfu abesabaliwe, ngobe kuphela kwetfu kwase kufikile.

Hezekeli 13:18

utsi: ‘Naku lokushiwo yiNkhosi Simakadze, itsi: Maye kubo bonkhe labo labasikati labegaba imitsi yekuhhungula etihlakaleni tetandla, bente imiyeko lemihibahiba ngebudze lobehlukene, bentele kumbonya tinhloko tabo, khona batekwetsiya bantfu. Ningatetsiya yini timphilo tebantfu bami, kodvwa nine nisindze?

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’

1 Samuweli 12:3

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”

1 Samuweli 18:27

boDavide nemphi yakhe baphuma bayawubulala emaFilisti langema-200. Wabuya nemajwabu awo, wafike wawetfula enkhosini, njengobe yayiwafunile kuze abe ngumkhwenyane wenkhosi. Ngako Sawula wase umnika lendvodzakati yakhe Mikhali; washada nayo.

1 Samuweli 23:14

Davide wahlala etinqabeni tasehlane, lekwakutintsaba telihlane laseZifu. Sawula abesolomane amfuna onkhe emalanga, kodvwa Simakadze akazange amnikele etandleni takhe.

1 Samuweli 23:23

Ngako-ke tifuneni nitati kahle tonkhe leto tindzawo labhaca kuto, nibuye nite lapha kimi senineliciniso ngato. Mine-ke ngitawube sengihamba nani, nangabe akulelo live, ngitawutfunguluta ngimfune emkhatsini wato tonkhe tinsendvo temaJuda.”

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.

1 Samuweli 26:18

Wachubeka wambuta watsi: “Pho, inkhosi yami iyicoshelani inceku yayo? Ngenteni? Nginacala lini?

1 Samuweli 26:20

Ungavumi kutsi ingati yami icitsekele emhlabatsini lokhashane nebukhona baSimakadze. Inkhosi yema-Israyeli iphumele kutewufuna likululu, njengemuntfu lotewutingela intsendzele etintsabeni.”

1 Samuweli 26:23

Simakadze umnika umvuzo wonkhe umuntfu lolungile nalowetsembekile. Lamuhla Simakadze abekunikele esandleni sami, kodvwa angikatsandzi kubeka sandla sami etikwalogcotjiwe waSimakadze.