1 Samuweli 23:23 - Siswati 1996 Bible

²³ Ngako-ke tifuneni nitati kahle tonkhe leto tindzawo labhaca kuto, nibuye nite lapha kimi senineliciniso ngato. Mine-ke ngitawube sengihamba nani, nangabe akulelo live, ngitawutfunguluta ngimfune emkhatsini wato tonkhe tinsendvo temaJuda.”

1 Samuweli 23:23 Referencias Cruzadas

1 Emakhosi 18:10

Ngifunga kuphila kwaSimakadze Nkulunkulu wakho kutsi inkhosi yami kute umbuso lapho ingakaze yatfumela khona umuntfu kutsi ayekukufuna. Bekutsi sive nome umbuso nawukulandvula utsi awukho, awufungise kutsi vele ungeke utfolakale lapho kuwo.

2 Emakhosi 6:13

Inkhosi yemaSiriya yatsi: “Hambani nimfune lapho akhona, kuze ngitfumele emadvodza ambambe.” Imphendvulo yabuya; inkhosi yabikelwa kwatsiwa: “Elisha useDothani.”

Tihlabelelo 10:8

Lomubi uyacatsama abhace etindzaweni letinematfunti emadolobheni, ababulalele ematfuntini labo labate licala, emehlo akhe atse ndlo kulabo langabehlula ngemandla.

Taga 1:16

ngobe tinyawo tabo tigijimela lokubi, basheshe bacitse ingati.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Numeri 10:36

Kwakutsi njalo nalima lelibhokisi, atsi: “Buya Simakadze, buya etigidzigidzini temindeni yaka-Israyeli.”

Makho 14:1

Bese kusele emalanga lamabili kube nguMkhosi weliPhasika, kudliwe sinkhwa lesite imbiliso. Baphristi labakhulu netati temtsetfo tatifuna lisu lekubamba Jesu ngebucili, timbulale.

1 Samuweli 23:22

Hambani nente lamanye emalungiselelo, nimfunisise, nize nati, niyibone kahle futsi lendzawo lapho Davide akhona, nalapho ahamba khona, nekutsi ngubani lose wambona alapho. Sengivile kutsi ulicili kakhulu.

1 Samuweli 23:24

Ngako-ke base bayesuka kuSawula bacondza eZifu. Ngaleso sikhatsi Davide nebalandzeli bakhe bese basehlane laseMayoni, e-Arabha, ngaseningizimu nelihlane.

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.