1 Samuweli 22:8 - Siswati 1996 Bible

⁸ Kungabe nguloko yini lokunente nangibophela lifindvo? Kute namunye lowangitjela indvodzana yami nayenta sivumelwane nendvodzana yaJese. Kute namunye wenu lohluphekile ngami nalongitjelako kutsi indvodzana yami seyitsenge inceku yami kutsi ingilalele endleleni, njengobe yenta lamuhla.”

1 Samuweli 22:8 Referencias Cruzadas

2 Emakhosi 6:11

Loko kwayitfukutselisa kakhulu inkhosi yemaSiriya, yabutsa tindvuna tayo yabuta yatsi: “Ase ningitjele kahle kutsi ngubani lona lolapha emkhatsini wetfu loyimpimpi yenkhosi yema-Israyeli?”

Jobe 33:16

Angakhuluma nasetindlebeni tabo, abesabise ngetecwayiso takhe.

1 Samuweli 18:1

Emvakwekuba Davide akhulume naSawula, Jonathani waba ngumoya munye naDavide, ngobe wamtsandza njengobe atitsandza yena.

1 Samuweli 18:3

Jonathani wenta sivumelwane naDavide, ngobe abemtsandza njengobe abetitsandza yena.

1 Samuweli 20:2

Jonathani wamphendvula watsi: “Cha, ungeke ufe! Buka la kimi; babe kute lakwentako, nome kukhulu nome kuncane, angakangitjeli. Pho, angakufihlelani loko kimi? Akunjalo.”

1 Samuweli 20:42

Jonathani wakhuluma kuDavide, watsi: “Hamba ngekuthula, ngobe lobungani betfu sesibufungele egameni laSimakadze satsi: ‘Simakadze ungufakazi emkhatsini wetfu sobabili nasemkhatsini wetitukulwane tetfu phakadze naphakadze.’ ” Davide wahamba, naJonathani wancandzeka, wabuyela emuva edolobheni.

1 Samuweli 20:8

Wena kufanele ukhombise kungitsandza kwakho ngekugcina leso setsembiso lowasenta kimi embikwaSimakadze. Nangabe ngitfolakala nginelicala, ngibulale wena matfupha. Unginiketelelani kuyihlo?”

1 Samuweli 22:13

Sawula watsi kuye: “Ningibopheleleni lisu wena nendvodzana yaJese, ngekutsi umnike sinkhwa nenkemba, waze wambutela nakuNkulunkulu, kuze amelane nami, angilalele endleleni, njengobe enta lamuhla?”

1 Samuweli 23:21

Sawula waphendvula watsi: “Simakadze akanibusise, ngobe nibe nesihawu kimi.