1 Samuweli 22:19 - Siswati 1996 Bible

¹⁹ Wachubeka wahlasela nelidolobha laseNobi, lekwakulidolobha lebaphristi, wabulala emadvodza akhona, kanye nebafati bakhona, nebantfwana, netinswane, netinkhomo, netimbongolo kanye netimvu.

1 Samuweli 22:19 Referencias Cruzadas

Nehemiya 11:32

nase-Anathothi, naseNobi, nase-Ananiya,

Isaya 10:32

Lamuhla nje ema-Asiriya ayawumisa eNobi; ayawujikitisa tibhakela tawo entsabeni yeNdvodzakati yaseSiyoni, egcumeni laseJerusalema.

Hoseya 10:14

kudvuma kwemphi kuyawusuka kumelane nebantfu benu, khona kutewutsi tonkhe tinqaba tenu tibhidlitwe, njengobe Shalmani abhidlita iBhethi Abeli ngelilanga lemphi, mhlazana bomake baphihlitwa phansi emhlabatsini kanye nebantfwababo.

Matewu 21:16

Ngako batsi kuJesu: “Uyeva yini kutsi batsini?” Wabaphendvula watsi: “Yebo, ngiyeva. Anizange nifundze yini kutsi: ‘Emlonyeni webantfwana nakulabamunyako utilungiselele ludvumo’?”

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Joshuwa 6:17

Lidolobha kanye nako konkhe lokukulo kufanele kunikelwe kuSimakadze kubhujiswe. NguRahabi kuphela, ingwadla, lotawusindza kanye nabo bonkhe labanaye endlini kakhe, ngobe watifihla tinhloli lesasititfumile.

Joshuwa 6:21

Babhubhisa konkhe lokwakungekhatsi kwelidolobha, emadvodza nebafati, labancane nalabadzala, tinkhomo, netimvu, netimbongolo, ngelusiko lwenkemba.

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”

1 Samuweli 15:8

Watfumba Agagi, inkhosi yema-Amaleki, isaphila, kwatsi sive sakhe sonkhe wasibhubhisa ngenkemba.

1 Samuweli 15:9

Kodvwa boSawula nemadvodza akakhe bamyekela Agagi bangete bambulala, bayekela netimvu, netinkhomo, netinkunzi, nemazinyane lokwakukhuluphele; watsatsa konkhe lokwakukuhle. Konkhe lokwakubukeka kukubi nome kubutsakatsaka bakubhubhisa.

1 Samuweli 21:1

Davide wahamba waya ku-Ahimeleki, umphristi, eNobi. Ahimeleki watfutfumela kakhulu, nakahlangana naye, wambuta watsi: “Uhambelani wedvwa? Awuhambi ngani nemuntfu?”

1 Samuweli 22:11

Inkhosi yatfumela kutsi akulandvwe umphristi Ahimeleki, umsa wa-Ahitubi, nendlu yeyise yonkhe, lebekunguyona ibaphristi baseNobi; beta bonkhe enkhosini.

1 Samuweli 22:9

Kodvwa Dowegi, um-Edomu, labeme kanye netindvuna taSawula, watsi: “Ngiyibonile indvodzana yaJese iya eNobi ku-Ahimeleki, umsa wa-Ahitubi.