1 Samuweli 20:8 - Siswati 1996 Bible

⁸ Wena kufanele ukhombise kungitsandza kwakho ngekugcina leso setsembiso lowasenta kimi embikwaSimakadze. Nangabe ngitfolakala nginelicala, ngibulale wena matfupha. Unginiketelelani kuyihlo?”

1 Samuweli 20:8 Referencias Cruzadas

Genesisi 24:49

Manje-ke, njengobe nine nitinini tenkhosi yami, ngitjeleni, nanitsandza kuvelana nayo ngekwetsembeka. Naningatsandzi, ngitjeleni, khona phela ngitekwenta loko lokufanele ngikwente.”

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.

2 Samuweli 14:32

Absalomu waphendvula watsi: “Buka la, ngitfumele livi kuwe ngatsi: ‘Kota lapha, khona ngitekutfumela enkhosini kutsi uyewubuta utsi: “Ngibuyiselweni lena eGeshuri? Ngabe kuncono kimi kube ngisatihlalele lapho!” ’ Manje ngifuna kubonana nenkhosi; nangabe nginelicala lelitsite, ayivele ingibulale.”

1 Tikhronike 12:17

Davide waphuma wayawubahlangabeta, wafike wakhuluma kubo, watsi: “Nangabe nite lapha kimi ngekuthula kutengisita, ngitimisele kutihlanganisa nani. Kodvwa nangabe nitele kutangitsengisa etitseni tami ngesikhatsi tandla tami tisakhululekile ekulweni, shangatsi Nkulunkulu wabobabe angakubona loko, bese uyanehlulela.”

Tihlabelelo 116:11

Ngajabha, ngadzimate ngatsi: “Bonkhe bantfu banemanga!”

Taga 3:3

Ungehlukani nenhlonipho nekwetsembeka; kukhungele entsanyeni yakho, ukubhale etibhelekeceni tenhlitiyo yakho.

Imisebenti yebaPhostoli 25:11

Nangabe kukhona lapho ngephule khona umtsetfo, ngenta lokufanele kutsi ngijeziswe ngekufa, angiceli kuphepha ekufeni; kodvwa nalingekho liciniso kulamacala labangibeka wona, kute umuntfu lofanele kunginikela etandleni tabo. Ngicela kuyakwembula ingubo kuKhesari, uMbusi.”

Joshuwa 2:14

Letinhloli tamnika siciniseko, tatsi: “Imphilo yenu siyibambisa ngemphilo yetfu. Nangabe nine ningeke nitjele muntfu ngalomsebenti lesite ngawo, siyakuniphatsa kahle nangekwetsembeka ngesikhatsi Simakadze asinika lelive.”

Joshuwa 22:22

“Somandla, Nkulunkulu, Simakadze! Somandla, Nkulunkulu, Simakadze! Yena uyati! Na-Israyeli kufanele ati! Nangabe loku bekukuhlubuka nekungalaleli Simakadze, ningacali nisishiye siphila lamuhla.

Ruthe 1:8

Nawomi wase ukhuluma kubomalukatane bakhe, watsi: “Ncandzekani, nibuyele emakhaya akini. Shangatsi Simakadze anganiphatsa ngemusa, njengobe benibaphetse ngemusa nani bafi, lababengemadvodzana ami, kantsi nami futsi beningiphetse kahle.

1 Samuweli 18:1

Emvakwekuba Davide akhulume naSawula, Jonathani waba ngumoya munye naDavide, ngobe wamtsandza njengobe atitsandza yena.

1 Samuweli 18:3

Jonathani wenta sivumelwane naDavide, ngobe abemtsandza njengobe abetitsandza yena.

1 Samuweli 20:16

Ngako Jonathani wenta sivumelwane nendlu yaDavide, watsi: “Shangatsi Simakadze angatibeka licala titsa taDavide.”

1 Samuweli 20:9

Jonathani wakhuluma watsi: “Cha, ngeke! Nangabe kukhona lokubi bengikwati kutsi babe ukucondzile, bengingeke yini ngikutjele?”

1 Samuweli 23:18

Bobabili base benta sivumelwane embikwaSimakadze. Jonathani wase uyancandzeka ubuyela ekhaya kubo, kodvwa Davide wasala, wahlala khona lapho eHoreshi.