1 Samuweli 20:41 - Siswati 1996 Bible

⁴¹ Watsi kube lomfana ahambe, Davide wesuka lapho eningizimu nelitje, wakhotsamela Jonathani katsatfu, abhekise buso bakhe phansi. Base bayangana, bakhala bobabili, kodvwa Davide wakhala kakhulu.

1 Samuweli 20:41 Referencias Cruzadas

Genesisi 29:11

Jakobe wanga Rakheli, wakhala ngenca yenjabulo.

Genesisi 29:13

Watsi kube Labani ayive lendzaba yemshana wakhe, wagijima wamhlangabeta, wafike wamgona wamanga, wamngenisa endlini. Jakobe watekela Labani yonkhe indzaba yakhe.

Genesisi 33:4

Kodvwa Esawu wagijima wamhlangabeta, wafike wamgona ngemikhono, wamanga. Bakhala bobabili.

Genesisi 42:6

Ngaleso sikhatsi Josefa abesangundvunankhulu walo lonkhe live. Kwakunguye labetsengisela bonkhe bantfu kudla. Batsi bomnakaboJosefa nabefika, bamkhotsamela, babhekise buso babo phansi.

Genesisi 43:28

Baphendvula batsi: “Inceku yakho lengubabe, isaphila.” Bamkhotsamela, bamshayela sihlutfu.

Genesisi 45:15

Bonkhe labomnakabo wabanga, akhala; emvakwaloko bonkhe labomnakabo base bakhuluma naye.

2 Samuweli 1:2

Ngelilanga lesitsatfu kwefika indvodza iphuma enkambu yaSawula, inetimphahla tayo letidzabukile kanye nelutfuli enhloko. Yatsi nayifika kuDavide, yawa phansi, yakhotsama, imhlonipha.

2 Samuweli 1:26

“Ngiyakukhalela, mnaketfu Jonathani, bewuligugu kimi! Lutsandvo lwakho kimi belumangalisa, lumangalisa kwendlula lwalabasikati.

2 Samuweli 14:4

Lomfati waseThekhowa wahamba waya enkhosini, wafike wawa ngebuso embikwayo, ayikhotsama, watsi: “Awu, Nkhosi! Ngicela mane ungisite!”

2 Samuweli 19:39

Ngako bonkhe bantfu base bewela umfula iJordane, nenkhosi yase iyewela. Inkhosi yavalelisa Bhazilayi ngekumanga nangekumbusisa. Bhazilayi wase uyancandzeka ubuyela ekhaya kakhe.

2 Samuweli 9:6

Watsi Mefiboshethi, umsa waJonathani, lotalwa nguSawula, nefika kuDavide, wakhotsama, akhombisa kumhlonipha. Davide watsi: “Mefiboshethi!” Mefiboshethi watsi: “Ngiyinceku yakho.”

1 Emakhosi 1:16

Bhatisheba wakhotsama waguca embikwenkhosi. Inkhosi yambuta yatsi: “Ufunani?”

1 Emakhosi 1:23

Base babikela inkhosi, batsi: “Kukhona umphrofethi Nathani, lapha ngephandle.” Ngako Nathani waya wangena enkhosini, wefika wakhotsama abhekise buso bakhe phansi.

1 Emakhosi 1:31

Ngako Bhatisheba wakhotsamisa buso bakhe wabubhekisa phansi, waguca embikwenkhosi, watsi: “Shangatsi inkhosi yami Davide angaphila phakadze!”

Imisebenti yebaPhostoli 20:37

Bakhala bonkhe, Pawula bamgaca ngemikhono, bamanga.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 18:3

Jonathani wenta sivumelwane naDavide, ngobe abemtsandza njengobe abetitsandza yena.

1 Samuweli 20:40

Jonathani wabe sewunika lomfana letikhali takhe watsi kuye: “Hamba nato utibuyisele ekhaya.”

1 Samuweli 24:9

Watsi kuSawula: “Ubalalelelani labantfu labatsi: ‘Davide ufuna kukulimata?’

1 Samuweli 25:23

Watsi kube Abigayili abone Davide, washesha wehla embongolweni yakhe, wakhotsama embikwaDavide abhekise buso bakhe phansi.