1 Samuweli 20:16 - Siswati 1996 Bible

¹⁶ Ngako Jonathani wenta sivumelwane nendlu yaDavide, watsi: “Shangatsi Simakadze angatibeka licala titsa taDavide.”

1 Samuweli 20:16 Referencias Cruzadas

Genesisi 15:18

Ngalo lelo langa Simakadze wenta sivumelwane na-Abrama, watsi: “Lelive ngilinika situkulwane sakho, kusukela emfuleni waseGibhithe kuze kufike emfuleni lomkhulu iYufrathe,

2 Samuweli 21:8

Kodvwa inkhosi yatsatsa bo-Arimoni naMefiboshethi, emadvodzana lamabili aRispha, indvodzakati ya-Aya, labewatalele Sawula, watsatsa nemadvodzana lasihlanu aMerabi, indvodzakati yaSawula, labewatalele Adriyeli, umsa waBhazilayi, labewaseMehola.

Jeremiya 40:9

Gedaliya, umsa wa-Ahikamu, umsa waShafani, wafunga kubo nakulamadvodza abo, watsi: “Ningesabi kukhonta emaBhabhulona. Yakhani lapha eveni nihlehle enkhosini yaseBhabhulona, kutabe sekunihambela kahle-ke.

Dutheronomi 23:21

“Nawenta setsembiso kuSimakadze Nkulunkulu wakho, ungephutisi kutsi usifeze, ngobe Simakadze Nkulunkulu wakho uyakusibita kuwe kutsi usikhiphe, bese uba nelicala lesono.

Joshuwa 22:23

Nangabe sitakhele lilati letfu kutsi sitewuhlubuka Simakadze, bese sinikela ngeminikelo yekushiswa neyalokutinhlavu nome sente nemihlatjelo yekuthula kulo, shangatsi Simakadze matfupha angasibeka licala.

1 Samuweli 18:3

Jonathani wenta sivumelwane naDavide, ngobe abemtsandza njengobe abetitsandza yena.

1 Samuweli 20:42

Jonathani wakhuluma kuDavide, watsi: “Hamba ngekuthula, ngobe lobungani betfu sesibufungele egameni laSimakadze satsi: ‘Simakadze ungufakazi emkhatsini wetfu sobabili nasemkhatsini wetitukulwane tetfu phakadze naphakadze.’ ” Davide wahamba, naJonathani wancandzeka, wabuyela emuva edolobheni.

1 Samuweli 22:8

Kungabe nguloko yini lokunente nangibophela lifindvo? Kute namunye lowangitjela indvodzana yami nayenta sivumelwane nendvodzana yaJese. Kute namunye wenu lohluphekile ngami nalongitjelako kutsi indvodzana yami seyitsenge inceku yami kutsi ingilalele endleleni, njengobe yenta lamuhla.”

1 Samuweli 23:18

Bobabili base benta sivumelwane embikwaSimakadze. Jonathani wase uyancandzeka ubuyela ekhaya kubo, kodvwa Davide wasala, wahlala khona lapho eHoreshi.

1 Samuweli 25:22

Shangatsi Simakadze angangibulala, nangingakababulali bonkhe labadvuna kusengakasi lamuhla nje!”

1 Samuweli 25:26

“Njengobe Simakadze ukuphephisile wena, nkhosi yami, ekucitseni ingati kanye nasekutikhipheleni sibhongo ngetandla takho, ngifunga ngekuphila kwaSimakadze nangekwakho ngitsi, shangatsi tonkhe titsa takho nabo bonkhe labafuna kukwenta silo sengubo bangafanana naNabali.

1 Samuweli 31:2

EmaFilisti abahlala emsileni boSawula nemadvodzana akhe. EmaFilisti abulala emadvodzana aSawula: boJonathani, na-Abinadabi, naMalkhi Shuwa.