1 Samuweli 20:13 - Siswati 1996 Bible

¹³ Kodvwa nangabe babe afuna kukulimata, shangatsi Simakadze angangijezisa ngekungibulala, nangabe ngingakakwatisi bese ngiyakukhulula kutsi uhambe uphephile. Shangatsi Simakadze angaba nawe, njengobe abenababe.

1 Samuweli 20:13 Referencias Cruzadas

2 Samuweli 19:13

Khulumani ku-Amasa nitsi: ‘Awusiyo yini wena ingati yami nenyama yami? Shangatsi Nkulunkulu angangijezisa angishaye kabuhlungu, nangabe kusukela nyalo ngingakubeki kutsi ube yindvuna yemphi yami esikhundleni saJowabe.’ ”

2 Samuweli 3:35

Base bayefika kutawucela Davide kutsi sale asadla kusesemini, kodvwa Davide watsatsa sifungo, watsi: “Shangatsi Nkulunkulu angangishaya ngife, nangingadla lilanga lisengakashoni!”

2 Samuweli 7:15

Kodvwa lutsandvo lwami alusoze lwasuswa kuye, njengobe ngalususa kuSawula, lengamsusa embikwakho.

1 Emakhosi 1:37

Njengobe Simakadze abenenkhosi yami, shangatsi angaba naye naSolomoni, khona atekwenta sihlalo sakhe sebukhosi sibe sikhulu kakhulu kunesihlalo sebukhosi senkhosi yami, inkhosi Davide!”

1 Emakhosi 19:2

Jezebeli watfumela sitfunywa ku-Elija, watsi: “Shangatsi bonkulunkulu bangangibulala ngife, nangabe mine kusasa ngalesikhatsi angikakwenti kuwe loko lokwente kulabaphrofethi.”

1 Emakhosi 20:10

Bheni Hadadi watfumela lomunye umlayeto ku-Ahabi atsi: “Ngitakuta nemadvodza lenele kutsi ngitewubhubhisa lelidolobha lakho, lamadvodza atsatse leto timvutfu ngetandla tawo. Shangatsi bonkulunkulu bangangishaya ngife, nangehluleka kukufeza loko.”

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

1 Tikhronike 22:16

yegolide, neyesiliva, neyelitfusi, neyensimbi, kube nebabati longeke ubabale. Manje-ke sale uwucala lomsebenti, Simakadze akabe nawe.”

Matewu 28:20

nibafundzise kugcina konkhe lenginiyale ngako. Nibokwati kutsi mine nginani onkhe emalanga, kuze kube ngusekupheleni kwetikhatsi.”

KubaseFiliphi 4:9

Loko lenakufundza, nakwemukela, nakuva, nakubona kimi, kwenteni, Nkulunkulu wekuthula utawuba nani.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Ruthe 1:17

Lapho uyawufela khona, nami ngiyawungcwatjwa khona. Shangatsi Simakadze angangijezisa kakhulu, nangabe mine ngivumela nome ngabe yini, ngaphandle kwekufa, kutsi kusehlukanise.”

1 Samuweli 10:7

Nase kwentekile konkhe loko, ubobe sewenta loko sandla sakho lesifinyelela kukwenta, ngobe Nkulunkulu unawe.

1 Samuweli 14:47

Watsi kube Sawula abekwe kuba yinkhosi yema-Israyeli, walwa nato tonkhe titsa takhe letatimtungeletile: emaMowabi, nema-Amoni, nema-Edomu, nemakhosi aseSobha kanye nemaFilisti. Abetsi lapho ajikele ngakhona, ente umonakalo.

1 Samuweli 17:37

LoSimakadze lowangephula esidladleni selibhubesi nasesidladleni selibhele utangikhulula nasesandleni salomFilisti.” Sawula wakhuluma kuDavide, watsi: “Hamba, shangatsi Simakadze angaba nawe.”

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.

1 Samuweli 19:3

Mine ngitawuphuma ngiyekuma nababe lena esigangeni, lapho utawube ubhace khona. Ngitawukhuluma ngawe kuye, ngitawube sengiyakwatisa kutsi ngitfoleni.”

1 Samuweli 20:12

Jonathani wakhuluma kuDavide, watsi: “Shangatsi Simakadze Nkulunkulu wema-Israyeli angaba ngufakazi wetfu! Ngalesikhatsi kusasa nome ngemhlomunye ngitawukhuluma nababe; nangabe uyakwemukela, ngitawuvele ngikwatise.

1 Samuweli 20:14

Kodvwa ase ungiphatse ngemusa longeke ugucuke waSimakadze, yingci nangisaphila, kutsi ngingeke ngibulawe,

1 Samuweli 25:22

Shangatsi Simakadze angangibulala, nangingakababulali bonkhe labadvuna kusengakasi lamuhla nje!”

1 Samuweli 3:17

Eli wabuta watsi: “Yini lena layishito kuwe? Ungangifihleli. Shangatsi Nkulunkulu angakujezisa kakhulu, nakwenteka ungifihlela nome yini lakutjele kona.”