1 Samuweli 20:1 - Siswati 1996 Bible

¹ Davide wesuka wabaleka eNayothi, eRama, waya kuJonathani, wafike wabuta watsi: “Sengenteni? Yini licala lami? Siyini sono sami kuyihlo kutsi angaze afune kungibulala?”

1 Samuweli 20:1 Referencias Cruzadas

Tihlabelelo 54:3

Bafokati bangivukele, bayangihlasela, tidlova letinelunya tifuna kungibulala, atinendzaba naNkulunkulu. Cabanga.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 yaPhetro 2:9

INkhosi iyakwati kubakhulula ekulingweni labo labesaba Nkulunkulu; kodvwa labangakalungi ibagcinela kujeziswa ngelilanga lekwehlulelwa,

1 yaJohane 3:21

Batsandzekako, nangabe nembeza wetfu angasilahli, sinesibindzi kuNkulunkulu.

1 Samuweli 12:3

Manje ngime lapha, fakazani ngebubi bami lapha embikwaSimakadze nakulogcotjiwe wakhe. Ngubani lengake ngadla inkhabi yakhe? Ngubani lengake ngadla imbongolo yakhe? Ngubani lengake ngamdlelela? Ngubani lengake ngamcindzetela? Tabani tandla lengake ngemukela kuto umdizo kuze ngivale emehlo ami? Nakukhona lengake ngakwenta kwaloku, ngifuna kukulungisa.”

1 Samuweli 19:1

Sawula wakhuluma kuJonathani, indvodzana yakhe, nakuto tonkhe tinceku takhe kutsi tibulale Davide. Kodvwa Jonathani abemtsandza kakhulu Davide,

1 Samuweli 19:18

Watsi kube Davide abaleke, waya kuSamuweli eRama, wafike wamtjela konkhe loko Sawula labesakwente kuye. Yena naSamuweli bahamba baya eNayothi, bafike bahlala lapho.

1 Samuweli 20:2

Jonathani wamphendvula watsi: “Cha, ungeke ufe! Buka la kimi; babe kute lakwentako, nome kukhulu nome kuncane, angakangitjeli. Pho, angakufihlelani loko kimi? Akunjalo.”

1 Samuweli 20:32

Jonathani wabuta Sawula, uyise, watsi: “Utawubulawelani? Woneni?”

1 Samuweli 24:11

Buka, babe wami, buka nasi sicephu sengubo yakho sisesandleni sami! Ngijube umphetfo wengubo yakho, kodvwa wena ngangete ngakubulala. Yati kahle-ke nyalo, ucondzisise kutsi mine anginacala lekwenta bubi nelekumelana nawe. Mine angikakoni ngalutfo, kodvwa nguwe longitfungatsela kutsi utengibulala.

1 Samuweli 24:12

Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.

1 Samuweli 24:17

Sawula wakhuluma kuDavide, watsi: “Wena ulunge kakhulu kwengca mine; ngobe wena ungentele lokuhle, kodvwa mine ngikubonge ngebubi.

1 Samuweli 24:9

Watsi kuSawula: “Ubalalelelani labantfu labatsi: ‘Davide ufuna kukulimata?’

1 Samuweli 26:18

Wachubeka wambuta watsi: “Pho, inkhosi yami iyicoshelani inceku yayo? Ngenteni? Nginacala lini?