1 Samuweli 2:15 - Siswati 1996 Bible

¹⁵ Ngetulu kwaloko, kwakutsi nalomhlehlo usengakashiswa, inceku yemphristi beyingafika kulomuntfu labenta umhlatjelo, itsi: “Nginike inyama yekosa, ngobe umphristi angeke ayemukele kuwe inyama lebilisiwe, kodvwa ufuna leluhlata.”

1 Samuweli 2:15 Referencias Cruzadas

Eksodusi 12:9

Lenyama ningayidli iluhlata nome iphekiwe, kodvwa niboyidla yosiwe yonkhe, kanye nenhloko yayo, nemilente yayo, nekwangekhatsi kwayo.

Levithikusi 3:16

Umphristi utawube sewushisa konkhe loku elatini kube ngumnikelo wemlilo, liphunga lelinuka lusi lolumnandzi. Onkhe emanoni ngewaSimakadze.

KubaseRoma 16:18

Ngobe labo labenta njalo, abakhonti yena Khristu iNkhosi yetfu, kodvwa bakhonta tisu tabo; nangemavi lamahle nalamnandzi bayenga tinhlitiyo talabo labangakahlakaniphi.

KubaseFiliphi 3:19

Kuphela kwabo kubhujiswa, nkulunkulu wabo sisu, ludvumo lwabo lusehlazweni labo, bangulabanaka tintfo temhlaba.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.

1 Samuweli 2:14

ifike icuphule ngayo lapha ekesini, nome embiteni, nome kugalaza, nome ebhodweni. Kwakutsi yonkhe leyo nyama lekhuphuke naleyo mfologo umphristi atitsatsele yona ibe yakhe. Ngako babenta njalo eShilo kuwo onkhe ema-Israyeli labeta lapho eShilo.

1 Samuweli 2:16

Nangabe lomuntfu atsi kuyo: “Ase kushe lomhlehlo kucala, bese-ke utsatsa leyo loyifunako,” lenceku beyibe seyiphendvula lomuntfu itsi: “Cha, yiletse nyalo; nawungayiletsi, ngitayitsatsa ngenkhani.”