1 Samuweli 19:8 - Siswati 1996 Bible

⁸ Kwaphindze kwesuka imphi, naDavide waphuma wayakulwa nemaFilisti. Wawagadla kamatima, aze abaleka embikwakhe.

1 Samuweli 19:8 Referencias Cruzadas

1 Emakhosi 20:21

Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

Tihlabelelo 27:3

Nome ngingavinjetelwa yimphi, inhlitiyo yami ingeke yesabe; nome titsa tingangihlasela, noko ngiyawuhlala nginelitsemba kuNkulunkulu.

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 18:30

Tindvuna temabutfo emaFilisti tachubeka kulwa timphi njengakucala, Davide abechubeka nekuncoba, waze waba yingwazi leyendlula tonkhe tindvuna taSawula. Ngako libito laDavide ladvuma kakhulu.

1 Samuweli 19:7

Jonathani wabita Davide wamtjela yonkhe ingcoco yakhe neyise. Jonathani wabe sewutsatsa Davide wamletsa kuyise Sawula; Davide waphindze waba naSawula njengakucala.

1 Samuweli 19:9

Kodvwa umoya lomubi lowawuphuma kuSimakadze wehlela etikwaSawula asehleti endlini yakhe, aphetse sikhali ngesandla sakhe. Watsi Davide asamdlalela ihabhu yakhe,

1 Samuweli 23:5

Ngako Davide nemphi yakhe behlela eKheyila, bahlasela emaFilisti bawabulala, batfumba netifuyo tawo. Davide wabasindzisa kanjalo bantfu baseKheyila.