1 Samuweli 19:5 - Siswati 1996 Bible

⁵ Watsatsa kuphila kwakhe wakuphatsa ngesandla sakhe, nakabulala lomFilisti. Simakadze waba nekuncoba lokukhulu ancobela sive sema-Israyeli, nawe futsi wakubona loko wajabula. Pho, ufunelani kubulala Davide ngaphandle kwesono?”

1 Samuweli 19:5 Referencias Cruzadas

2 Samuweli 23:10

kodvwa yena wema endzaweni yakhe walwa nemaFilisti, sandla sakhe saze somelela enkembeni yakhe, sesigongobele singaseluleki. Simakadze wancoba imphi lenkhulu ngalelo langa. Yatsi kube imphi iphele, ema-Israyeli abuya eta lapho bekuna-Eleyazare khona, atewuphanga tikhali kuletidvumbu.

1 Tikhronike 11:14

Kodvwa ema endzaweni yawo ekhatsi nekhatsi nensimi. Ayivikela, abulala lamaFilisti, Simakadze wanika ema-Israyeli kuncoba lokukhulu.

1 Tikhronike 11:18

Ngako letingwazi letintsatfu tesuka lapho tabhidla ticheme temabutfo emaFilisti ngenkhani taphumela ngale, taze tefika emtfonjeni longasesangweni laseBhetlehema, takha emanti, tabuya nawo kuDavide. Kodvwa Davide wala kuwanatsa lamanti, esikhundleni saloko wawatfululela embikwaSimakadze.

Tihlabelelo 109:5

Mine ngabentela lokuhle, bona bangibonga ngalokubi, lutsandvo lwami balwenana ngenzondo.

Tihlabelelo 119:109

Imphilo yami isengotini njalo, noko angiwukhohlwa umtsetfo wakho.

Tihlabelelo 25:3

Yebo, labo labetsembele kuwe kute namunye loyawuhlazeka; kepha bayawuhlazeka labo labakuhlubuka ngelite.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Tihlabelelo 94:21

Bakha lisu lekuhlasela labalungile, balahla bantfu labangenacala.

Eksodusi 14:13

Mosi wabaphendvula watsi: “Ningesabi, manini sibindzi, nicine, nitawubona kusindzisa kwaSimakadze latanentela kona lamuhla. LamaGibhithe leniwabonako lamuhla aniseyiwuphindze niwabone futsi.

Jeremiya 26:15

Noko kufanele nati nekwati, nikhumbule kutsi nangabe ningibulala, niyakwehlisela licala lengati lengenacala etikwenu, nasetikwalelidolobha, nasetikwalabo labahlala kulo, ngobe ecinisweni, nguSimakadze longitfume kini kutawukhuluma onkhe lamavi etindlebeni tenu niva.”

Matewu 27:24

Watsi kube abone Philatu kutsi kute langaphindze akwente, nekutsi sekusuka siphitsiphitsi, watsatsa emanti, wageza tandla embikwebantfu bonkhe watsi: “Anginacala ngengati yalomuntfu! Tiboneleni nine!”

Matewu 27:4

atsi: “Ngonile ngekutsengisa ngengati lengenacala!” Bona batsi kuye: “Pho, singenaphi lapho tsine? Tibonele wena!”

Johane 15:25

Kodvwa noko, loko bekufanele kwenteke, kuze kutewugcwaliseka loko lokwabhalwa emtsetfweni wabo kwekutsi: ‘Bangitondza ngaphandle kwesizatfu.’

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

KubaseFiliphi 2:30

Ngobe ngenca yemsebenti waKhristu wacishe wafa, watidzela, kuze agcwalise lokusilele ekungikhonteni kwenu.

KumaHebheru 2:3

Pho, tsine siyawuphunyula njani, nasingakunaki lokusindziswa lokungaka? Kwakhulunywa yiNkhosi kucala, kwaciniswa kitsi ngulabo labayiva.

Tikhulu 12:3

Ngatsi kube ngibone kutsi ningeke ningisite, ngatidzela ematsambo ngewela ngayakulwa nema-Amoni. Simakadze wawanikela esandleni sami, ngawancoba. Manje-ke seniteleni lamuhla kutengilwisa ngaloko?”

Tikhulu 9:17

Khumbulani kutsi babe wanilwela kanjani atilahla ematsambo akhe kutsi anephule etandleni temaMidiyani.

1 Samuweli 11:13

Kodvwa Sawula watsi: “Kute namunye lotawubulawa lamuhla, ngobe lamuhla Simakadze uwephulile ema-Israyeli.”

1 Samuweli 14:45

Kodvwa lamadvodza akhuluma kuSawula, atsi: “Jonathani sekufanele afe, yena lona losindzise sive sema-Israyeli kangaka? Cha, ngeke! Setsembisa ngaSimakadze kutsi kute ngisho nelunwele lwenhloko yakhe lolutakuwela phansi emhlabatsini, ngobe loku lakwente lamuhla uphumelele ngekusitwa nguNkulunkulu.” Lamadvodza amsindzisa Jonathani, akazange abulawe.

1 Samuweli 19:6

Sawula walalela Jonathani, waze watsatsa nasi sifungo: “Ngifunga kuphila kwaSimakadze, Davide angeke abulawe.”

1 Samuweli 20:32

Jonathani wabuta Sawula, uyise, watsi: “Utawubulawelani? Woneni?”

1 Samuweli 22:14

Ahimeleki wayiphendvula inkhosi watsi: “Ngubani kuto tonkhe tinceku takho lowetsembeke kuwe njengaDavide, umkhwenyane wenkhosi, indvuna yemabutfo lagadza wena, umuntfu lohlonishwa kangaka endlini yakho yonkhe?

1 Samuweli 28:21

Lesangoma satsi nasifika kuSawula, sibona nekutsi wetfuke kanganani, satsi: “Buka la; incekukati yakho ikulalele. Ngitinikele ngemphilo yami yonkhe ngenta loko lotsite angikwente.