1 Samuweli 19:23 - Siswati 1996 Bible

²³ Ngako Sawula wahamba waya eNayothi, eRama. Moya waNkulunkulu wehlela etikwakhe, naye wahhunguleka, wahamba asaphrofetha, waze wefika eNayothi.

1 Samuweli 19:23 Referencias Cruzadas

Taga 16:9

Umuntfu angayihlela indlela yakhe; kodvwa nguSimakadze locondzisa tinyatselo takhe.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Numeri 23:5

Simakadze wabeka emavi emlonyeni waBhalamu, watsi: “Ncandzeka uye kuBhalaki, ufike umtjele lelivi.”

Numeri 24:2

Bhalamu watsi uyabuka wabona ema-Israyeli emisile, sive ngesive, Moya waNkulunkulu wehlela etikwakhe,

Matewu 7:22

Ngalelo langa labanyenti bayakutsi kimi: ‘Nkhosi, Nkhosi, asizange siphrofethe yini ngelibito lakho? Asiwakhiphanga yini emadimoni ngelibito lakho? Asiyentanga yini imisebenti leminyenti nalemikhulu ngelibito lakho?’

Johane 11:51

Empeleni loko wakusho angatikhulumeli yena. Kepha njengemPhristi Lomkhulu ngalowo mnyaka waphrofetha kutsi Jesu abetawufela sive;

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

1 Samuweli 10:10

Batsi nabefika eGibeya, ludvwendvwe lwebaphrofethi lwahlangana naSawula; Moya waNkulunkulu wehlela etikwakhe ngemandla lamakhulu, naye wase uhlanganyela nabo ekuphrofetheni.

1 Samuweli 10:12

Indvodza leyayihlala lapho yaphendvula, yatsi: “Ngubani yena uyise wabo?” Ngako kwase kube siga sabo kutsi: “Kantsi naSawula sewungumphrofethi yini?”

1 Samuweli 10:6

Moya waSimakadze utakwehlela etikwakho ngemandla lamakhulu, nawe uyawube sewuphrofetha kanye nabo. Uyawugucuka ube ngulomunye umuntfu.

1 Samuweli 18:10

Ngakusasa umoya lomubi lowawuvela kuNkulunkulu wahlasela Sawula ngemandla. Kungatsi abehlanya endlini yakhe ngesikhatsi Davide amdlalela ihabhu, njengobe abevamise kwenta. Sawula abephetse sikhali esandleni sakhe.

1 Samuweli 19:18

Watsi kube Davide abaleke, waya kuSamuweli eRama, wafike wamtjela konkhe loko Sawula labesakwente kuye. Yena naSamuweli bahamba baya eNayothi, bafike bahlala lapho.

1 Samuweli 19:20

Ngako Sawula wavele watfumela emadvodza kutsi ayekumtsatsa ngenkhani. Kodvwa atsi nakabona sicumbi sebaphrofethi sihhungulekile siphrofetha, naSamuweli akanye naso angumholi waso, Moya waNkulunkulu wehlela kulamadvodza akaSawula; nawo ahhunguleka aphrofetha.

1 Samuweli 19:22

Ekugcineni, naye cobo lwakhe, Sawula wahamba waya eRama emtfonjeni lomkhulu waseSeku. Wafike wabuta watsi: “Baphi boSamuweli naDavide?” Lomunye umuntfu waphendvula watsi: “BaseNayothi, eRama.”