1 Samuweli 19:20 - Siswati 1996 Bible

²⁰ Ngako Sawula wavele watfumela emadvodza kutsi ayekumtsatsa ngenkhani. Kodvwa atsi nakabona sicumbi sebaphrofethi sihhungulekile siphrofetha, naSamuweli akanye naso angumholi waso, Moya waNkulunkulu wehlela kulamadvodza akaSawula; nawo ahhunguleka aphrofetha.

1 Samuweli 19:20 Referencias Cruzadas

Joweli 2:28

“Emvakwaloko ngiyawutfulula Moya wami etikwabo bonkhe bantfu. Emadvodzana nemadvodzakati enu ayawuphrofetha, emakhehla enu ayawuphupha emaphupho, nemajaha enu ayawubona imibono.

Numeri 24:2

Bhalamu watsi uyabuka wabona ema-Israyeli emisile, sive ngesive, Moya waNkulunkulu wehlela etikwakhe,

Johane 7:32

BaFarisi beva sicuku sivungatela ngaye ngaletintfo. Ngako baphristi labakhulu nebaFarisi base batfumela tinceku kutsi timbambe.

1 kubaseKorinthe 14:3

Kube kani lophrofethako ukhuluma kubantfu kutsi bakheke, bakhutsateke, badvudvuteke.

1 Samuweli 10:10

Batsi nabefika eGibeya, ludvwendvwe lwebaphrofethi lwahlangana naSawula; Moya waNkulunkulu wehlela etikwakhe ngemandla lamakhulu, naye wase uhlanganyela nabo ekuphrofetheni.

1 Samuweli 19:11

Sawula watfumela emadvodza endlini yaDavide kutsi ayekumgadza, bese ayambulala ekuseni. Kodvwa Mikhali, umkaDavide, wecwayisa Davide watsi: “Nawungabaleki uyewubhaca lamuhla ebusuku, utawubulawa ekuseni kusasa.”

1 Samuweli 19:14

Watsi kube Sawula atfumele emadvodza kutsi ayewulandza Davide ngenkhani, Mikhali wawatjela watsi: “Uyagula.”

1 Samuweli 19:19

Livi lefika kuSawula litsi: “Davide sewuseNayothi, eRama.”

1 Samuweli 19:21

Kwatsi kube Sawula atjelwe ngaloko, waphindze watfumela lamanye emadvodza; nawo futsi ahhunguleka aphrofetha. Sawula waphindze kwesitsatfu watfumela emadvodza, nawo ahhunguleka aphrofetha.