1 Samuweli 18:27 - Siswati 1996 Bible

²⁷ boDavide nemphi yakhe baphuma bayawubulala emaFilisti langema-200. Wabuya nemajwabu awo, wafike wawetfula enkhosini, njengobe yayiwafunile kuze abe ngumkhwenyane wenkhosi. Ngako Sawula wase umnika lendvodzakati yakhe Mikhali; washada nayo.

1 Samuweli 18:27 Referencias Cruzadas

2 Samuweli 3:13

Davide watsi: “Kulungile, ngitasenta nawe sivumelwane. Kodvwa kunye lengikufuna kuwe: Ungeti lapha embikwami, nawungakaletsi Mikhali, indvodzakati yaSawula, nawuta kutangibona.”

2 Samuweli 3:14

Davide watfumela titfunywa ku-Ishboshethi, umsa waSawula, wamtjela, watsi: “Letsa umkami Mikhali, lengamtsatsa ngekumkhokhela likhulu lemajwabu emaFilisti.”

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.

1 Samuweli 14:49

Emadvodzana aSawula bekuboJonathani, na-Jishvi, naMalkhi Shuwa. Libito lendvodzakati lendzala bekunguMerabi, kantsi lena lencane bekunguMikhali.

1 Samuweli 18:13

Sawula watfumela Davide, amcosha lapha kuye, watsi akahole libutfo lenkhulungwane emikhankhasweni yabo yekuhlasela.

1 Samuweli 18:17

Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”

1 Samuweli 18:28

Watsi kube Sawula kumkhanyele kutsi Simakadze abenaye Davide, nekutsi lendvodzakati yakhe Mikhali yayimtsandza Davide,

1 Samuweli 25:44

Kodvwa Sawula abesatsatse indvodzakati yakhe, Mikhali, umkaDavide, wamendzisela Phaltiyeli, umsa waLayishi, waseGalimu.