1 Samuweli 18:17 - Siswati 1996 Bible

¹⁷ Sawula wakhuluma kuDavide, watsi: “Nansi indvodzakati yami yematubulo, Merabi. Ngitakwendzisela yona, nawungamane nje uhlehle lapha kimi, ulwe timphi taSimakadze.” Sawula abecabange watsi: “Ngingeke ngisibeke sandla sami etikwakhe. Akabulawe ngemaFilisti.”

1 Samuweli 18:17 Referencias Cruzadas

2 Samuweli 11:15

Kulencwadzi abebhale watsi: “Beka Uriya embili lapho imphi ishisa ngakhona. Bese niyakhwesha kuye, nentele kutsi atewubulawa.”

2 Samuweli 12:9

Uledzeleleleni livi laSimakadze ngekwenta lokubi emehlweni akhe? Ubulele Uriya, umHethi, ngenkemba, wabe sewutsatsa umkakhe wamenta umkakho. Umbulele ngenkemba yema-Amoni.

2 Samuweli 6:16

Latsi libhokisi lesivumelwane saSimakadze nalingena eDolobheni laDavide, Mikhali, indvodzakati yaSawula, wabukela, avele ngelifasitelo. Watsi nakabona inkhosi Davide igiya igcabashula embikwaSimakadze, wayedzelela enhlitiyweni yakhe.

Tihlabelelo 12:2

Bantfu bayayengana la emhlabeni, tilimi tabo tisheleliswa ngemanga, inkhulumo yabo imphacambili.

Tihlabelelo 55:21

Inkhulumo yakhe ishelelisa kwelibhotela, noko inhlitiyo yakhe ifukamele imphi, emavi akhe atsambe kwengca emafutsa, noko atinkemba letilindzele kugwaza.

Taga 26:24

Umuntfu lotentisako ukhuluma kamnandzi, kantsi enhlitiyweni yakhe ufihle kuyengana.

Taga 26:25

Nome inkhulumo yakhe ingaba mnandzi kanjani, ungakholwa; ngobe ngekhatsi inhlitiyo yakhe igcwele bucili.

Taga 26:26

Inzondo yakhe angayimbonya ngemavi ekutentisa, kodvwa bubi bakhe buyawubasebaleni ngalelinye lilanga.

Numeri 21:14

ngiko nje incwadzi yetimphi taSimakadze itsi: “... lidolobha laseWahebi, esifundzeni saseSufa netihosha; umfula i-Anoni,

Numeri 32:20

Mosi wakhuluma kubo, watsi: “Nangabe nitawukwenta loko, nihlomele imphi embikwaSimakadze,

Numeri 32:27

Kodvwa tinceku takho, onkhe emadvodza lahlomele kuyakulwa emphini, atakwewela ayekulwa embikwaSimakadze, njengobe inkhosi yetfu isho.”

Numeri 32:29

Wakhuluma watsi kubo: “Nangabe emaGadi nemaRubeni, onkhe emadvodza lahlomele imphi, ewelela nani ngesheya kweJordane embikwaSimakadze, nitawutsi lelive nase nilitfumbile, bese nibanika live lakaGileyadi kutsi libe labo.

Dutheronomi 17:7

Bofakazi ngibo labayawucala kucala kumgcoba ngematje nakabulawa, sive sonkhe bese siyalandzela-ke. Niyawukukhipha kanjalo-ke lokubi lokumila emkhatsini wenu.

1 Samuweli 14:49

Emadvodzana aSawula bekuboJonathani, na-Jishvi, naMalkhi Shuwa. Libito lendvodzakati lendzala bekunguMerabi, kantsi lena lencane bekunguMikhali.

1 Samuweli 17:25

Ema-Israyeli abesolomane atsi: “Uyayibona yini lendvodza lesolomane iphumela ebaleni? Iphumela kusibita insayeya sive sema-Israyeli. Inkhosi itsite itamnika umcebo lomyenti umuntfu longahle ayibulale. Itawuphindze imendzisele nendvodzakati yayo, iphindze ikhiphe nendlu yeyise waleyo ndvodza emtselweni wema-Israyeli.”

1 Samuweli 17:36

Inceku yakho yabulala libhubesi nelibhele; nalomFilisti longakasoki utawufanana nato letilwane, ngobe uwabite insayeya emabutfo aNkulunkulu lophilako.

1 Samuweli 17:47

nekutsi bonkhe labantfu lababutsene lapha bati kutsi Simakadze akasindzisi ngenkemba nangesikhali. Ngobe imphi ngeyaSimakadze, nguye lotaninikela nonkhe etandleni tetfu.”

1 Samuweli 18:21

Wacabanga watsi: “Ngitamendzisela yena, kuze abe lugibe lwami kuye Davide, kuze sandla semaFilisti simelane naye.” Ngako Sawula waphindza watsi kuDavide: “Manje sengikunika litfuba lesibili kutsi ube ngumkhwenyane wami.”

1 Samuweli 18:25

Sawula watsi: “Nibokhuluma kuDavide nitsi: ‘Inkhosi ayidzingi lelinye lilobolo ngaphandle kwemajwabu emaFilisti lalikhulu, kuze itiphindziselele etitseni tayo.’ ” Lisu laSawula bekukutsi Davide aze afe abulawe ngemaFilisti.

1 Samuweli 18:27

boDavide nemphi yakhe baphuma bayawubulala emaFilisti langema-200. Wabuya nemajwabu awo, wafike wawetfula enkhosini, njengobe yayiwafunile kuze abe ngumkhwenyane wenkhosi. Ngako Sawula wase umnika lendvodzakati yakhe Mikhali; washada nayo.

1 Samuweli 25:28

Ngicela inceku yakho uyitsetselele ngalesono lesentile, ngobe Simakadze utakwenta ube yinkhosi wena kanye netitukulwane takho, ngobe ulwa timphi takhe. Shangatsi kungabate lokubi lokutfolakala kuwe, yingci nawusaphila.

1 Samuweli 30:26

Davide watsi kube efike eSikilagi, watfumela incenye yemphango kubaholi bakaJuda lababebangani bakhe, atsi: “Naso sipho senu lesiyimphango lephuma etitseni taSimakadze.”