1 Samuweli 18:10 - Siswati 1996 Bible

¹⁰ Ngakusasa umoya lomubi lowawuvela kuNkulunkulu wahlasela Sawula ngemandla. Kungatsi abehlanya endlini yakhe ngesikhatsi Davide amdlalela ihabhu, njengobe abevamise kwenta. Sawula abephetse sikhali esandleni sakhe.

1 Samuweli 18:10 Referencias Cruzadas

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

1 Emakhosi 22:12

Bonkhe-ke nalaba labanye baphrofethi babekhuluma intfo yinye, batsi: “Hlasela iRamothi Gileyadi, uyehlule. Ngobe Simakadze utayinikela etandleni tenkhosi.”

Jeremiya 28:11

wakhuluma embikwabo bonkhe bantfu watsi: “Naku lokushiwo nguSimakadze, utsi: ‘Ngiyakulephula kanjalo-ke lijoko laNebukhadnezari, inkhosi yaseBhabhulona, ngilisuse etintsanyeni tetive tonkhe temhlaba ingakapheli iminyaka lemibili.’ ” Emvakwaloko-ke umphrofethi Jeremiya wachubeka wahamba indlela yakhe.

Imisebenti yebaPhostoli 16:16

Satsi sisahamba siya endzaweni yekuthandaza, sahlangana nesigcili sentfombatana lesasinemoya wekuphengula. Ngaleyo ndlela sasitfolela baniyo baso imali lenyenti.

2 kubaseThesalonika 2:11

Ngako-ke Nkulunkulu ubatfumelela emandla enkhohlakalo, kuze bakholwe loko lokungemanga.

Tikhulu 16:20

Delila wase uyamemeta, watsi: “Samsoni, nankha emaFilisti asasetikwakho!” Wavuka ebutfongweni bakhe, acabanga atsi: “Ngitawuphumelela njengasemihleni, ngiphunyuke.” Noko bekangati kutsi Simakadze bese amshiyile.

1 Samuweli 16:23

Kwakutsi njalo nje Sawula nakahlushwa ngumoya lomubi lovela kuSimakadze, Davide bese utsatsa ihabhu yakhe uyayidlala. Abetsi angayidlala, bese kuba nebuncono kuSawula, ative asancono, nemoya lomubi usuke kuye.

1 Samuweli 18:9

Kusukela ngaleso sikhatsi Sawula waba neliso lelibi kuDavide.

1 Samuweli 19:10

Sawula wetama kumgwaza amhlanganise nelubondza ngalesikhali sakhe, kodvwa Davide wavika, sikhali saSawula sagwaza lubondza. Davide wabaleka kulobo busuku.

1 Samuweli 19:7

Jonathani wabita Davide wamtjela yonkhe ingcoco yakhe neyise. Jonathani wabe sewutsatsa Davide wamletsa kuyise Sawula; Davide waphindze waba naSawula njengakucala.

1 Samuweli 19:9

Kodvwa umoya lomubi lowawuphuma kuSimakadze wehlela etikwaSawula asehleti endlini yakhe, aphetse sikhali ngesandla sakhe. Watsi Davide asamdlalela ihabhu yakhe,

1 Samuweli 26:19

Nkhosi! Inkhosi yami ayilalele emavi enceku yayo. Nangabe nguSimakadze lokutjotjotele kutsi ungibulale, kulungile-ke, akawutsatse lowo mnikelo. Kodvwa noko nangabe loko kwentiwe bantfu, ababe ngulabacalekisiwe kuSimakadze! Manje sebangikhiphile eveni lekusabelo sami, efeni laSimakadze, batsi: ‘Hamba uyewukhonta labanye bonkulunkulu.’