1 Samuweli 17:51 - Siswati 1996 Bible

⁵¹ Davide wagijima wema etikwalomFilisti, wabamba inkemba yalomFilisti wayihoshula kulomgodla wayo, wamcedzela ngayo; wajuba inhloko yakhe. Atsi kube emaFilisti abone kutsi lengwazi yabo seyifile, esuka ngematubane, abaleka.

1 Samuweli 17:51 Referencias Cruzadas

2 Samuweli 23:21

Wabulala sichwaga lesikhulu saseGibhithe lesasihlome ngesikhali, sisibambe ngesandla, Bhenaya yena wasisukela aphetse simunya. Wahlutfula lesikhali esandleni salomGibhithe, wambulala ngaso lesikhali sakhe.

2 Samuweli 4:7

Babengene endlini ngesikhatsi asalele embhedzeni, ekamelweni lakhe lekulala. Batsi kube bamgwaze bambulale, base bancuma inhloko yakhe. Bayitsatsa bahamba nayo bonkhe busuku ngendlela yase-Arabha.

Esta 7:10

Ngako Hamani walengiswa kuleso sigodvo bekasigawulele kulengisa Modekhayi. Kutfukutsela kwenkhosi kwabotja.

KumaHebheru 11:34

bacima emandla emlilo, baphepha enkembeni, baphiwa emandla ebutsakatsakeni, baba ngemachawe ekulweni timphi, badzimate baticosha timphi tebetive.

KumaHebheru 2:14

Ngako-ke njengobe bantfwana baba bantfu, naye-ke Jesu waba ngumuntfu njengabo, kuze kutsi abhubhise Sathane labenemandla etikwekufa,

1 Samuweli 17:50

Ngaloko Davide wancoba lomFilisti ngesidubulelo nangelitje, washaya umFilisti, wamlahla phansi, wambulala, ngaphandle kwenkemba esandleni sakhe.

1 Samuweli 21:10

Ngalona lelo langa Davide wabalekela Sawula waya ku-Akhishi, inkhosi yaseGathi.

1 Samuweli 21:9

Umphristi waphendvula watsi: “Yinkemba yaGoliyathi, umFilisti, lowambulala eSigodzini sase-Ela, lekhona lapha; igocotwe ngendvwangu lapha emvakwesidziya. Nawuyifuna, yitsatse; kute lenye inkemba lelapha ngaphandle kwaleyo.” Davide watsi: “Kute lefanana nayo; nginike yona.”

1 Samuweli 31:9

Ajuba inhloko yakhe, atsatsa netikhali takhe, atfumela tigijimi kulo lonkhe lemaFilisti kumemetela lendzaba endlini yabonkulunkulu bawo nakubantfu bakubo.