1 Samuweli 17:4 - Siswati 1996 Bible

⁴ Ingwazi lekwakutsiwa nguGoliyathi libito layo, ingeyekuchamuka eGathi, yabonakala iphuma etichemeni temaFilisti. Yayiyindze iluhalakasha, ingetulu kwemamitha labengaba matsatfu.

1 Samuweli 17:4 Referencias Cruzadas

1 Tikhronike 11:23

Wabulala sichwaga lesikhulu saseGibhithe lesasingemamitha labengaba mabili nemasentimitha langema-30 budze. Nome lomGibhithe abephetse sikhali lesasingangelipulango lembongolo yemeluki esandleni sakhe, Bhenaya yena wamsukela aphetse simunya. Wahlutfula lesikhali esandleni salomGibhithe, wambulala ngaso lesikhali sakhe.

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Dutheronomi 3:11

Kwase kusele Ogi, inkhosi yaseBhashani, kuphela kuleyo nsali yesive semaRefa. Umbhedze wakhe wawentiwe ngensimbi, budze ungemamitha labengaba mane, bubanti ungemamitha labengaba mabili. Ungatfolakala eRabha, edolobheni lema-Amoni.

Joshuwa 11:22

Kute ema-Anaki lasala akhona eveni laka-Israyeli; insali yawo yabaseGaza, naseGathi, nase-Ashdodi.

1 Samuweli 17:23

Watsi asakhuluma nabo, Goliyathi waseGathi, ingwazi yemaFilisti, waphuma etichemeni takhe, wamemeta njengobe abesolomane enta; Davide wakuva loko.

1 Samuweli 17:3

EmaFilisti ema kulelinye ligcuma, nema-Israyeli ema kulelinye; saba lesigodzi semkhatsini wabo.

1 Samuweli 17:5

Goliyathi abefake imphantitje yelitfusi enhloko yakhe, embetse libhantji lelitfusi lelalingemazengezenge, sisindvo salo sasingemakhilogremu labengaba ngema-57.

1 Samuweli 27:4

Watsi kube Sawula atjelwe kutsi Davide ubalekele eGathi, wangabe asachubeka nekumtfungatsa.