1 Samuweli 17:34 - Siswati 1996 Bible

³⁴ Kodvwa Davide wakhuluma kuSawula, watsi: “Inceku yakho beyeluse timvu teyise. Kwatsi nakuchamuka libhubesi nome libhele latsatsa lenye imvu emhlambini,

1 Samuweli 17:34 Referencias Cruzadas

Genesisi 31:39

Ngisho naleti letatidliwe tilwane tesiganga ngangingatiletsi kuwe, kodvwa ngangivele ngitenane ngetami. Nawe wawuvele utifune kimi letebiwe emini nome ebusuku.

2 Samuweli 17:8

Uyamati uyihlo kanye nalamadvodza akakhe kutsi tingwazi, besabeka njengelibhele lesiganga nalemukwe emazinyane alo. Ngaphandle nje kwaloko, babe wakho ngunsukuwansuku, ngukadzebona, angeke alale emkhatsini walamabutfo akhe ebusuku.

2 Samuweli 23:20

Bhenaya, umsa waJehoyada, waseKhabsiyeli, naye abengulomunye wetingwazi letatatiwa. Wenta tigemegeme letinyenti naye, njengekubulala kwakhe tingwazi letimbili letatatiwa takaMowabi. Wake wehlela phansi emgodzini ngalelinye lilanga kunangcocwane, wafike wabulala libhubesi.

1 Tikhronike 11:22

Bhenaya, umsa waJehoyada, waseKhabsiyeli, naye abengulomunye wetingwazi letatatiwa. Wenta tigemegeme letinyenti naye, njengekubulala kwakhe tingwazi letimbili letatatiwa takaMowabi. Wake wehlela phansi emgodzini ngalelinye lilanga kunangcocwane, wafike wabulala libhubesi.

Tihlabelelo 143:5

Ngikhumbula emalanga asendvulo. Ngizindla ngemisebenti yakho yonkhe, ngicabange ngato tonkhe tento takho.

Hezekeli 34:12

Njengemelusi nakeluse umhlambi wetimvu takhe losakatekile, nakanato, kanjalo nami ngiyawutelusela timvu tami. Ngiyawutephula kuto tonkhe tindzawo lapho tisakatelwe khona ngalelo langa lemafu nelebumnyama.

Amose 3:12

Naku-ke lokushiwo nguSimakadze, utsi: “Njengemelusi asindzisa emlonyeni welibhubesi imilente lemibili yekugcina nome sicu sendlebe yelizinyane, ayakuhlwitfwa kanjalo nema-Israyeli lambalwa, lawo lasahlala eSamariya, emaphetselweni emibhedze yawo, lasahlala acuphele etihlalweni tawo tekuphumula.”

Zakhariya 11:16

Ngobe ngiyawuvusa umelusi etikwalelive longeke atinakekele timvu letilahlekile, longeke atifune letincane, longeke atiphilise letilimele, nalongeke atibonelele ondle leticinile naletikhuluphele, kodvwa uyawudla inyama yetimvu telikhetselo abhoncule tinselo tato.

Zakhariya 9:7

Ngiyawukhipha inyama leyingati emilonyeni yabo, ngivungule kudla lekutinengiso lebekunikelwe etithicweni lokusasele emkhatsini wematinyo abo. Labo labayawube basele sebayawuba baNkulunkulu wetfu babe baholi kaJuda, i-Ekroni iyawuba njengemaJebhusi.

Lukha 2:8

Bekunebelusi kulelo live lababeluse imihlambi yetimvu ebusuku etsafeni.

Johane 10:11

“Mine ngingumelusi lolungile. Umelusi lolungile udzela kuphila kwakhe ngenca yetimvu.

KubaseRoma 5:4

Kubeketela kuveta kuciniseka, kuciniseka kudala litsemba.

KumaHebheru 11:33

Ngekukholwa balwa bancoba imibuso, benta kulunga, bazuza tetsembiso, bavimba imilomo yemabhubesi,

Sembulo 13:2

Lesilo sasifanana nengwe, tinyawo taso tatifanana netelibhele, umlomo waso wawufanana newelibhubesi. Nyokangwenya wasinika emandla akhe, nesihlalo sakhe sebukhosi, nemagunya akhe lamakhulu.

Tikhulu 14:6

Moya waSimakadze wehlela etikwakhe ngemandla lamakhulu kangangekutsi lelibhubesi walibamba walidladlabula ngetandla takhe, kwaba shangatsi udladlabula lizinyane lembuti. Kodvwa akazange abatjele boyise nenina kutsi sewenteni endleleni yakhe.

1 Samuweli 17:15

Davide yena abevamise kubuyela ekhaya ashiye Sawula ayewubona timvu teyise ekhaya eBhetlehema.

1 Samuweli 17:33

Sawula waphendvula watsi: “Ungeke ukhone kuyakulwa nalomFilisti, ngobe wena usengumfana nje, kantsi yena uyingwazi yekutalwa.”

1 Samuweli 17:35

ngalisukela, ngalilandzela, ngalishaya, ngakhipha lemvu emlonyeni walo, latsi nalitsi ligucukela kimi, ngalibamba ngesilevu salo, ngalidladlabula ngalibulala.