1 Samuweli 17:20 - Siswati 1996 Bible

²⁰ Ekuseni ngakusasa Davide washiya timvu nemelusi, wetfwala umtfwalo wahamba, njengobe Jese abemtfumile, wefika enkambu ngesikhatsi emabutfo aphuma ema ngeticheme tawo ekhuta sicubulo semphi.

1 Samuweli 17:20 Referencias Cruzadas

Lukha 19:43

Ngobe ayeta emalanga lapho titsa takho tiyawukuhlasela, tikuvimbetele tikuvalele ndzawo tonkhe.

Joshuwa 3:1

Ngakusasa ekuseni Joshuwa nesive sonkhe sema-Israyeli bavuka kuseluvivi, besuka eShithimu bacondza eJordane, lapho bafike bakamba khona bangakeweleli ngesheya.

1 Samuweli 15:12

Ekuseni ngeluvivi Samuweli wavuka wahamba wayawuhlangabeta Sawula, kodvwa watjelwa kwatsiwa: “Sawula uye eKhameli, lapho efike watimisela litje lesikhumbuto ngaye, wase uyajika ubuyela entansi eGilgali.”

1 Samuweli 17:19

BanaSawula nawo onkhe emabutfo aka-Israyeli eSigodzini sase-Ela, balwa nemaFilisti.”

1 Samuweli 17:21

Ema-Israyeli nemaFilisti abetsatsa tindzawo tawo ngeticheme tawo, ticheme tibhekene.

1 Samuweli 17:28

Kwatsi Eliyabe, umnakaboDavide lomkhulu, nakeva loku lokwakukhulunywa nguDavide nalamadvodza, wamvutsela ngelulaka watsi: “Utewufunani wena lapha? Utishiye nabani letimvu letimbalwa lena ehlane? Ngiyati kutsi utikhukhumeta kanjani nekutsi inhlitiyo yakho yimbi kanganani; utele kutawubukela imphi nje kuphela.”

1 Samuweli 26:5

Davide waphuma waya lapho bekumise khona Sawula. Wafike wabona lapho boSawula na-Abneri, umsa waNeri, indvuna yelibutfo, bebalele khona. Sawula abelele ekhatsi nenkambu, atungeletwe libutfo.

1 Samuweli 26:7

Ngako boDavide na-Abishayi bahamba baya kulelo butfo ebusuku, bakhandza Sawula alele ekhatsi nenkambu, sikhali sakhe asigcumeke phansi emhlabatsini eceleni kwenhloko yakhe. Abneri nemabutfo bebalele, batungelete Sawula.