1 Samuweli 17:12 - Siswati 1996 Bible

¹² Davide bekuyindvodzana yem-Efratha waseBhetlehema kaJuda lekwakutsiwa nguJese. Jese abanemadvodzana lasiphohlongo. Ngesikhatsi kubusa Sawula abesakhulile asaneminyaka leminyenti.

1 Samuweli 17:12 Referencias Cruzadas

Genesisi 35:19

Rakheli wafa wangcwatjwa eceleni kwemgwaco loya e-Efratha, lendzawo leseyatiwa ngekutsi yiBhetlehema.

2 Samuweli 23:1

Lawa ngemavi ekugcina enkhosi Davide: “Inkhulumo yaDavide, umsa waJese, inkhulumo yalowo lowaphakanyiswa nguLosetikwako Konkhe. Ungumuntfu lowagcotjwa nguNkulunkulu waJakobe, umhlabeleli wetingoma ka-Israyeli.

Tihlabelelo 132:6

Seva ngelibhokisi lesivumelwane ngesikhatsi siseBhetlehema, salikhandza kulaseJeyarimu.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Matewu 1:6

Jese watala inkhosi Davide. Davide watala Solomoni, unina abengumfati wa-Uriya;

Matewu 2:1

Kwatsi kube kutalwe Jesu eBhetlehema esigodzini saseJudiya ngesikhatsi Herodi ayinkhosi, kwefika tati eJerusalema tiphuma emphumalanga,

Matewu 2:6

“ ‘Nawe, Bhetlehema, live lakaJuda, awumncane kangako kunebabusi bakaJuda; ngobe kuwe kuyawuphuma umbusi loyakwelusa sive sami sema-Israyeli.’ ”

Ruthe 1:2

Libito lalendvodza kwakungu-Elimeleki, umkayo kunguNawomi, emadvodzana ayo kunguMahaloni naKhiliyoni. Babebesive sema-Efratha eBhetlehema yakaJuda. Bafike bacaba bahlala kulo lelive lakaMowabi.

Ruthe 4:17

Bafati lababebomakhelwane bametsa libito lakhe batsi ngu-Obedi. Phela bonkhe babekhuluma batsi: “Kutelwe indvodzana kaNawomi.” Obedi watala Jese; Jese watala Davide.

Ruthe 4:22

Obedi watala Jese; Jese watala Davide.

1 Samuweli 1:1

Kwakukhona indvodza letsite leyayingumSufi waseRamathayimu, eveni letintsaba kulaka-Efrayimu; libito layo bekungu-Elkhana, umsa waJerohamu, umsa wa-Elihu, umsa waThohu, umsa waSufi, um-Efrayimu.

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”

1 Samuweli 17:11

Watsi kube Sawula nema-Israyeli onkhe eve lenkhulumo yalomFilisti, bajabha bonkhe batfutfumela.

1 Samuweli 17:58

Sawula wambuta watsi: “Ungumsa wabani, mfana?” Davide waphendvula watsi: “Ngitalwa yinceku yakho lenguJese waseBhetlehema.”