1 Samuweli 16:4 - Siswati 1996 Bible

⁴ Samuweli wenta loko labekutjelwe nguSimakadze. Watsi nakefika eBhetlehema, baholi belidolobha batfutfumela nabahlangana naye. Bambuta batsi: “Ute ngesihle yini?”

1 Samuweli 16:4 Referencias Cruzadas

Genesisi 35:19

Rakheli wafa wangcwatjwa eceleni kwemgwaco loya e-Efratha, lendzawo leseyatiwa ngekutsi yiBhetlehema.

Genesisi 48:7

Loku ngikwenta ngenca yekudzabuka lengaba nako nangifelwa ngunyoko Rakheli, ngisesendleleni ngisuka eMesophothamiya sengitawufika e-Efratha, eveni laseKhenani. Ngamngcwaba e-Efratha.” Manje leyo ndzawo seyibitwa ngekutsi yiBhetlehema.

2 Samuweli 6:9

Ngalelo langa Davide wesaba Simakadze, wadzimate watsi: “Lingeta kanjani-ke libhokisi lesivumelwane kami?”

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 2:13

Adoniya, umsa waHagithi, wahamba waya kuBhatisheba, unina waSolomoni. Bhatisheba wambuta, watsi: “Ute ngekuthula yini?” Waphendvula watsi: “Yebo, ngite ngekuthula.

2 Emakhosi 9:22

Watsi Joramu kube abone Jehu, wambuta watsi: “Ute ngekuthula yini, Jehu?” Jehu waphendvula watsi: “Kuthula kungaba khona kanjani, nangabe solomane kusekhona tithico nebutsakatsi benyoko Jezebeli?”

Hoseya 11:10

Bayawulandzela Simakadze; uyawubhodla njengelibhubesi. Nakabhodla, bantfwabakhe bayawuta batfutfumela, bachamuka ngasenshonalanga.

Hoseya 6:5

Ngako-ke nganishaya nganijuba ticucu ngemavi ebaphrofethi bami, nganibulala ngemavi emlomo wami; tehlulelo tami timanyata njengembane etikwenu, tinehlele nome nini.

Lukha 2:4

NaJosefa wesuka eNazaretha yaseGalile waya eBhetlehema yaseJudiya, edolobheni laDavide, ngobe abeyintalelwane yaDavide,

Lukha 5:8

Kodvwa Simoni Phetro abona loku, waguca ngemadvolo etinyaweni taJesu watsi: “Ncono usuke kimi, Nkhosi, ngobe mine ngingumuntfu losoni!”

Lukha 8:37

Sonkhe lesicumbi sebantfu baseGegesa samcela Jesu kutsi sale esuka kuleyo ndzawo, ngobe bonkhe befikelwa kwesaba lokukhulu. Ngako-ke Jesu wase ukhwela esikebheni, wahamba.

1 Samuweli 21:1

Davide wahamba waya ku-Ahimeleki, umphristi, eNobi. Ahimeleki watfutfumela kakhulu, nakahlangana naye, wambuta watsi: “Uhambelani wedvwa? Awuhambi ngani nemuntfu?”