1 Samuweli 16:14 - Siswati 1996 Bible

¹⁴ Moya waSimakadze abesasukile kuSawula, umoya lomubi lowavela kuSimakadze wamkhatsata.

1 Samuweli 16:14 Referencias Cruzadas

2 Samuweli 7:15

Kodvwa lutsandvo lwami alusoze lwasuswa kuye, njengobe ngalususa kuSawula, lengamsusa embikwakho.

1 Emakhosi 22:19

Mikhaya wachubeka watsi: “Ngako-ke lalela livi laSimakadze: Ngabona Simakadze ahleti esihlalweni sakhe sebukhosi nayo yonkhe imphi yasezulwini ime ngakuye imtungeletile ngesekudla sakhe nangesancele.

1 Emakhosi 22:22

“Simakadze wawubuta watsi: ‘Kanjani?’ “Umoya waphendvula watsi: ‘Ngitawuphuma ngibe ngumoya wemanga emlonyeni wabo bonkhe baphrofethi bakhe.’ “Simakadze watsi: ‘Cha, wena-ke utawuphumelela kumhunga nembala. Hamba, wente njalo.’

Tihlabelelo 51:11

Ungangicoshi ebusweni bakho, ungangemuki Moya wakho Longcwele.

Hoseya 9:12

Nome ngabe bakhulisa bantfwana babo, ngiyawubemuka bona kungasali muntfu. Maye kubo, mhlazane ngibafulatsela.

Tikhulu 16:20

Delila wase uyamemeta, watsi: “Samsoni, nankha emaFilisti asasetikwakho!” Wavuka ebutfongweni bakhe, acabanga atsi: “Ngitawuphumelela njengasemihleni, ngiphunyuke.” Noko bekangati kutsi Simakadze bese amshiyile.

Tikhulu 16:29

Ngako Samsoni welula tandla takhe wabamba letinsika totimbili letatisekhatsi tingutona tisimise lelithempeli. Wavinyelela kuto, sandla sakhe sangasekudla sibambe lenye, ngesancele abambelele kulenye.

Tikhulu 9:23

Nkulunkulu watfumela umoya lomubi emkhatsini wa-Abimeleki nesive saseShekhemu, savuka indlwabane, savukela Abimeleki.

1 Samuweli 11:6

Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.

1 Samuweli 16:15

Tinceku taSawula tatsi kuye: “Buka la, ngumoya lomubi lovela kuSimakadze lona lokuhluphako.

1 Samuweli 16:16

Shangatsi inkhosi yetfu ngabe itfumela tinceku tayo letikhona lapha embikwayo kutsi tiyeyifunela umuntfu lonelikhono lekudlala ihabhu. Kutawutsi umoya lomubi lovela kuSimakadze nawufika etikwakho, lomuntfu utawube sewudlala lehabhu, nawe utawube sewuba ncono.”

1 Samuweli 16:23

Kwakutsi njalo nje Sawula nakahlushwa ngumoya lomubi lovela kuSimakadze, Davide bese utsatsa ihabhu yakhe uyayidlala. Abetsi angayidlala, bese kuba nebuncono kuSawula, ative asancono, nemoya lomubi usuke kuye.

1 Samuweli 18:10

Ngakusasa umoya lomubi lowawuvela kuNkulunkulu wahlasela Sawula ngemandla. Kungatsi abehlanya endlini yakhe ngesikhatsi Davide amdlalela ihabhu, njengobe abevamise kwenta. Sawula abephetse sikhali esandleni sakhe.

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.

1 Samuweli 28:15

Samuweli wabuta Sawula watsi: “Ungiphatamiselani ngalokube ungikhuphula?” Sawula watsi: “Ngisebuhlungwini lobukhulu. EmaFilisti ayangihlasela. Nkulunkulu ungifulatsele. Akasangiphendvuli ngisho nangebaphrofethi nome ngemaphupho. Manje sengibite wena kutsi ungitjele kutsi ngifanele ngente njani.”