1 Samuweli 15:20 - Siswati 1996 Bible

²⁰ Sawula watsi: “Ingani ngimlalele Simakadze. Ngiyile kuyakwenta lomsebenti Simakadze labengitfume wona. Ngiwabhubhise onkhe ema-Amaleki, ngase ngita nalo-Agagi, inkhosi yawo.

1 Samuweli 15:20 Referencias Cruzadas

Jobe 33:9

‘Mine ngimsulwa, anginasono; ngihlobile, anginacala.

Jobe 34:5

“Jobe utsi: ‘Ngimsulwa, kodvwa Nkulunkulu ungima kulunga.

Jobe 35:2

“Usho kutsi kambe ngabe loku kulungile? Utsi: ‘Ngiyawuhlangulwa nguNkulunkulu.’

Jobe 40:8

“Ungakukhombisa yini kungalungi kwami? Ungangilahla yini ngelicala mine, khona utetitfola ungenacala wena?

Matewu 19:20

Lelijaha laphendvula latsi: “Konkhe loku ngikugcinile, manje yini lesasele?”

Lukha 10:29

Kepha sati semtsetfo sifuna kutitsetselela, sabuta satsi: “Ngubani makhelwane wami?”

Lukha 18:11

“UmFarisi wakhwesha wema yedvwa wathandaza watsi: ‘Ngiyakubonga, Nkulunkulu, kutsi mine angifanani nalabanye bantfu labatigebengu, nalabangakalungi, netiphingi, nanjengalomtselisi.

KubaseRoma 10:3

Ngobe ngekungakwati kahle kulunga lokuvela kuNkulunkulu, bafuna kutimisela lokungekwabo kulunga, abazange batinikele ngekutfobeka ekulungeni kwaNkulunkulu.

1 Samuweli 15:13

Watsi kube Samuweli amkhandze, Sawula watsi kuye: “Simakadze akakubusise! Ngiwufezile umyalo waSimakadze.”

1 Samuweli 15:3

Hamba manje uyewuhlasela ema-Amaleki, ubhubhise yonkhe intfo yawo. Ungawashiyi aphila: bulala emadvodza, nebafati, nebantfwana, netinswane, netinkhomo, netimvu, nemakamela kanye netimbongolo.’ ”

1 Samuweli 15:8

Watfumba Agagi, inkhosi yema-Amaleki, isaphila, kwatsi sive sakhe sonkhe wasibhubhisa ngenkemba.

1 Samuweli 28:18

Wena awuzange umlalele Simakadze, futsi awuzange ukhombise lulaka lwakhe kuma-Amaleki, lamuhla Simakadze sewente loko kuwe.