1 Samuweli 15:12 - Siswati 1996 Bible

¹² Ekuseni ngeluvivi Samuweli wavuka wahamba wayawuhlangabeta Sawula, kodvwa watjelwa kwatsiwa: “Sawula uye eKhameli, lapho efike watimisela litje lesikhumbuto ngaye, wase uyajika ubuyela entansi eGilgali.”

1 Samuweli 15:12 Referencias Cruzadas

Genesisi 21:14

Ngakusasa ekuseni Abrahama wavuka kuseluvivi, watsatsa sinkhwa nesigubhu semanti wakwetjatsisa Hagari, wamnika nemntfwana wabahambisa. Wahamba-ke Hagari azulazula ehlane laseBherisheba.

2 Samuweli 18:18

Ngesikhatsi sakhe Absalomu bekatakhele litje lesikhumbuto, waligcumeka eSihosheni Senkhosi, ngobe abecabange watsi: “Anginandvodzana letawuchubeka ivuse libito lami,” waletsa ngaye lelitje lesikhumbuto, nalamuhla loku solomane kutsiwa Litje la-Absalomu Lesikhumbuto.

2 Samuweli 23:35

na-Hesro waseKhameli, na-Pharayi wase-Arabu,

1 Emakhosi 18:42

Ngako Ahabi wahamba wayakudla wanatsa, kodvwa Elija wekhwela etulu esicongweni seNtsaba iKhameli, wagobondzela, wafaka buso bakhe emkhatsini wemadvolo akhe.

2 Tikhronike 26:10

Waphindze wakha leminye imibhoshongo ehlane, wemba nemitfombo leminyenti, ngobe abefuye kakhulu, abenemihlambi leminyenti emaceleni etintsaba kanye nasematsafeni. Abenebantfu lababemsebentela emasimini, nasetivinini takhe etintsabeni kanye nasetindzaweni letivundzile, ngobe abetitsandza tekulima.

Joshuwa 15:55

KwakuyiMayoni, neKhameli, neZifu, neJutha,

1 Samuweli 13:12

ngase ngicabanga ngitsi: ‘Manje emaFilisti asatakwehla atengihlasela lapha eGilgali, kantsi bengisengakathandazi ngatincusela kuSimakadze.’ Ngako ngitivele ngiphocelekile kutsi nginikele ngalomhlatjelo wekushiswa.”

1 Samuweli 13:15

Samuweli wesuka eGilgali wenyuka waya eGibeya kaBhenjamini, Sawula wasala wabala onkhe lamadvodza labenawo. Wakhandza kutsi abengaba ngema-600.

1 Samuweli 17:20

Ekuseni ngakusasa Davide washiya timvu nemelusi, wetfwala umtfwalo wahamba, njengobe Jese abemtfumile, wefika enkambu ngesikhatsi emabutfo aphuma ema ngeticheme tawo ekhuta sicubulo semphi.

1 Samuweli 25:2

Bekukhona indvodza leyayicebile eMayoni, yayinetimphahla khona lapho eKhameli. Yayinetimbuti letatiyinkhulungwane netimvu letati-3 000 leyayitifuyele eKhameli, lapho yayitihhulela khona.

1 Samuweli 7:12

Samuweli wabe sewutsatsa litje, walimisa emkhatsini waseMispa naseSheni. Waletsa libito watsi yi-Ebheni Eza, atsi: “Simakadze usisite kwaze kwaba ngumanje.”