1 Samuweli 14:39 - Siswati 1996 Bible

³⁹ Ngetsembisa ngaNkulunkulu lophilako, Simakadze lonika ema-Israyeli kuncoba, kutsi nome ngabe kungumsa wami, Jonathani, lowonile, naye kufanele afe.” Kodvwa kute nome yinye indvodza leyase yatsi vu.

1 Samuweli 14:39 Referencias Cruzadas

2 Samuweli 12:5

Davide watfukutsela wabila, atfukutselela lendvodza, waze wakhuluma kuNathani watsi: “Ngifunga kuphila kwaSimakadze, ngitsi, lomuntfu lowente intfo lenjena kufanele afe nekufa!

2 Samuweli 14:21

Inkhosi yakhuluma kuJowabe, yatsi: “Yebo, loko ngitawukwenta. Hamba ulandze lomfana Absalomu.”

Umshumayeli 9:2

Bonkhe banasiphetfo sinye: labalungile nalabangakalungi, labahle nalababi, labahlantekile nalabangcolile, labenta imihlatjelo nalabangayenti. Njengobe kunjalo kumuntfu lolungile, kuyawuba njalo nakulosoni; nanjengobe kunjalo kulabo labenta tifungo, kutawuba njalo nakulabo labesaba kutenta.

1 Samuweli 14:24

Emadvodza aka-Israyeli abaselusizini ngalelo langa, ngobe Sawula abesabophe sonkhe sive ngesifungo watsi: “Akacalekiswe umuntfu lotakudla lilanga lisengakashoni, nami ngingakatiphindziseli etitseni tami!” Ngako kute nome munye lowake wanambitsa kudla kulamabutfo.

1 Samuweli 14:40

Sawula wakhuluma kuwo onkhe ema-Israyeli, watsi: “Manini ngalapho, mine nemsa wami, Jonathani, sitakuma ngalapha.” Lamadvodza amphendvula atsi: “Yenta loko lobona kukuhle kakhulu kuwe.”

1 Samuweli 14:44

Sawula watsi: “Shangatsi Nkulunkulu angangishaya kamatima, nangabe wena, Jonathani, ungafi.”

1 Samuweli 19:6

Sawula walalela Jonathani, waze watsatsa nasi sifungo: “Ngifunga kuphila kwaSimakadze, Davide angeke abulawe.”

1 Samuweli 20:31

Yingci indvodzana yaJese nayisaphila kulomhlaba, wena nembuso wakho ungeke ume. Sheshisa nyalo umlandze ete la, ngobe kufanele afe!”

1 Samuweli 22:16

Kodvwa inkhosi yatsi: “Utakufa nome kanjani, wena Ahimeleki, kanye nayo yonkhe indlu yeyihlo.”

1 Samuweli 28:10

Sawula wafunga kuso ngaSimakadze, watsi: “Ngempela kuphila kwaSimakadze, ungeke ukufele loko.”