1 Samuweli 14:24 - Siswati 1996 Bible

²⁴ Emadvodza aka-Israyeli abaselusizini ngalelo langa, ngobe Sawula abesabophe sonkhe sive ngesifungo watsi: “Akacalekiswe umuntfu lotakudla lilanga lisengakashoni, nami ngingakatiphindziseli etitseni tami!” Ngako kute nome munye lowake wanambitsa kudla kulamabutfo.

1 Samuweli 14:24 Referencias Cruzadas

Tihlabelelo 18:47

UnguNkulunkulu longiphindziselelako, lotsambisa tive ngaphansi kwami.

Taga 11:9

Umuntfu longesabi Nkulunkulu ubulala makhelwane wakhe ngekukhuluma kwakhe; kodvwa bantfu labalungile bavikelwa lwati lwabo.

Levithikusi 27:29

Umuntfu lonikelwe ekufeni kuSimakadze akayiwuhlengwa; kufanele abulawe.

Levithikusi 5:4

“ ‘Nangabe kwenteka umuntfu wafunga ngekunganaki, kwenta lokuhle nome lokubi, njengobe umuntfu afunge nome ngayini angakacabangisisi nome abengakanaki, noko unelicala, nasakubonile loko lakwentile.

Numeri 21:2

Israyeli wenta sifungo kuSimakadze, watsi: “Nawungahle usinikele lesive etandleni tetfu, sitasincoba sibhubhise nemadolobha aso.”

Numeri 5:21

bese umphristi ufungisa lomfati ngesicalekiso atsi kuye: “Shangatsi Simakadze angenta bantfu bakini bakucalekise, baphindze bakusole. Shangatsi angashwaphanisa ematsanga akho, akhukhumukise nesisu sakho.

KubaseRoma 10:2

Ngiyabafakazela kutsi banenshisekelo lenkhulu kuNkulunkulu; kodvwa ayikho ekulatini kahle liciniso.

1 kubaseKorinthe 16:22

Nangabe umuntfu angayitsandzi iNkhosi, akabe ngulocalekisiwe Wota Nkhosi!

Joshuwa 6:26

Ngaso leso sikhatsi Joshuwa wakhipha sifungo lesimatima, watsi: “Wonkhe lowetama kuvusa lelidolobha, iJerikho, uyawucalekiswa embikwaSimakadze: “ ‘Uyawufelwa yindvodzana lelitubulo lakhe, nakabeka leto tisekelo talo; afelwe ngumntfwanakhe losemncane, nakafaka emasango alo.’ ”

Tikhulu 1:28

Kwatsi kube sive sema-Israyeli sandze sibe nemandla, sawacindzetela emaKhenani kutsi asebentele sona, kodvwa sangete sawacosha.

Tikhulu 5:2

“Baholi baka-Israyeli bahamba embili, bantfu batinikela bona ngenhlitiyo lemhlophe. Dvumisani Simakadze!

1 Samuweli 14:25

Onke emabutfo angena ehlatsini, akhandza luju emhlabatsini.

1 Samuweli 14:39

Ngetsembisa ngaNkulunkulu lophilako, Simakadze lonika ema-Israyeli kuncoba, kutsi nome ngabe kungumsa wami, Jonathani, lowonile, naye kufanele afe.” Kodvwa kute nome yinye indvodza leyase yatsi vu.

1 Samuweli 18:25

Sawula watsi: “Nibokhuluma kuDavide nitsi: ‘Inkhosi ayidzingi lelinye lilobolo ngaphandle kwemajwabu emaFilisti lalikhulu, kuze itiphindziselele etitseni tayo.’ ” Lisu laSawula bekukutsi Davide aze afe abulawe ngemaFilisti.