1 Samuweli 14:15 - Siswati 1996 Bible

¹⁵ Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.

1 Samuweli 14:15 Referencias Cruzadas

Genesisi 35:5

Ngako-ke base bayesuka boJakobe nemadvodzana akhe. Bantfu balamadolobha abesedvutane behlelwa kwesaba lokukhulu lobekuvela kuNkulunkulu, abazange babacoshe ngemuva.

2 Samuweli 5:24

Utawutsi ungeva tigi tekushuca kwawo lena enhla nato letihlahla tebhalisamu, usheshise ushakutele, ngobe loko kutawube kusho kutsi Simakadze sewuhambe embili kuyawubulala emabutfo emaFilisti.”

Jobe 18:11

Tesabiso timetfusa ndzawana tonkhe, timhleli etitsendzeni.

Tihlabelelo 14:5

Bayawufikelwa kwesaba lokukhulu, ngobe Nkulunkulu ume nalabacotfo.

Eksodusi 19:18

Yonkhe leNtsaba iSinayi yasibekelwa lifu, ngobe Simakadze abesehlele etikwayo ngemlilo. Intfutfu yenyuka njengentfutfu yembutfuma yemlilo; yonkhe intsaba yatamatama.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Matewu 24:6

Niyawuva ngetimphi nangemahemuhemu etimphi; caphelani ningetfuki, ngobe loko kufanele kwenteke, kodvwa umhla wekuphela uyawube ungakefiki.

Joshuwa 2:9

wafike wakhuluma kuto, watsi: “Ngiyati kutsi Simakadze uniphe lelive. Sonkhe sehlelwe kwesaba lokukhulu ngani, kantsi futsi tonkhe tive letakhile kulelive setingenwe ngemanti emadvolweni, ngenca yekwesaba nine.

Tikhulu 7:21

Kwatsi bonkhe bantfu baseme etindzaweni tabo batungelete lenkambu, onkhe emaMidiyani abaleka, akhalela etulu.

1 Samuweli 13:17

EmaFilisti aphuma ayawuhlasela ngemacembu lamatsatfu: Lelinye lacondza ngase-Ofra endzaweni yaseShuwali.

1 Samuweli 13:18

Lelinye lacondza ngaseBhethi Horoni, kwase kutsi leli lesitsatfu lacondza ngasemnyeleni lobheke ngaseTsafeni laseSeboyimu, kubheka ngasehlane.

1 Samuweli 13:23

Licembu lelitsite lemaFilisti laphakwa laya emsahweni waseMikmashi.

1 Samuweli 14:14

Kuloko kuhlasela kwabo kwekucala Jonathani neludzibi lwakhe babulala emadvodza langaba ngema-20, endzaweni lelibanga lelingaba ngangemjikijelo.

1 Samuweli 14:16

Tinhloli takaSawula tatsi tiyabuka tiseseGibeya kulakaBhenjamini, tabona emabutfo emaFilisti asakateka yonkhe indzawo.

1 Samuweli 7:10

Samuweli watsi asanikela ngemhlatjelo, emaFilisti asondzela atewuhlasela ema-Israyeli. Kodvwa ngalelo langa Simakadze wadvuma kakhulu njengelitulu kumaFilisti, wawenta asangana embikwema-Israyeli, aze acoshwa.