1 Samuweli 13:5 - Siswati 1996 Bible

⁵ EmaFilisti nawo ahlangana ayakulwa na-Israyeli, aba netincola letatiti-3 000 nebagibeli bemahhashi lababeti-6 000, nemabutfo labemanyenti angangesihlabatsi saselwandle. Enyuka ayawumisa eMikmashi, emphumalanga neBhethi Aveni.

1 Samuweli 13:5 Referencias Cruzadas

Genesisi 22:17

ngiyakukubusisa impela, ngandzise titukulwane takho tibe ngangetinkhanyeti tesibhakabhaka nangangesihlabatsi selugu lwelwandle. Titukulwane takho tiyakwehlula emadolobha etitsa tato.

2 Samuweli 17:11

“Ngako mine ngikweluleka ngitsi: Onkhe ema-Israyeli kusukela kaDani kuze kuyewuphuma eBherisheba, ngebunyenti bawo angangesihlabatsi saselwandle, akabutselwe lapha kuwe, wena cobo lwakho uwahole niye emphini.

1 Emakhosi 20:27

Nema-Israyeli atsi kube ahlome, atsatsa imiphako yawo, aphuma ayawuhlasela. Ema-Israyeli akamba aba ticumbi letimbili njengemihlambi lemibili yetimbuti abhekana nawo, kantsi emaSiriya wona abegcwele lonkhe lelo tsafa.

2 Tikhronike 1:9

Manje-ke, Simakadze Nkulunkulu wami, gcwalisa setsembiso sakho kubabe wami Davide, ngobe ubeke mine ngaba yinkhosi etikwesive lesikhulu nalesinyenti ngangelutfuli lwemhlabatsi.

Isaya 10:28

Ema-Asiriya angena e-Aya, adzabula eMigroni, alondvolota imphahla yawo eMikmashi.

Isaya 48:19

Titukulwane tenu ngabe tingangetihlabatsi. Bantfwabenu ngabe bangangetinhlavu letingenakubalwa, emabito abo abengayiwuncanyulwa lutfo, abengayiwubhujiswa embikwami.”

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Hoseya 10:5

Bantfu labahlala eSamariya bayalesabela, lelitfole lelisithico saseBhethi Aveni. Bantfu balo bayawulililela, kanjalo nebaphristi balo labalikhontako, labo lababetsakasele inkhatimulo yalo yegolide, bayawulililela ngobe itsatfwe kubo yayiswa ekutfunjweni.

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

Joshuwa 11:4

Bonkhe baphuma nemabutfo abo kanye nemahhashi netincola, baba yimphi lenkhulukati leyayiyinyenti ingangesihlabatsi saselwandle.

Joshuwa 18:12

Noko sive sakaManase asizange sikhone kuwadla laNgasenyakatho umnyele wawusuka eJordane, wendlule ngaseceleni laseJerikho lelingasenyakatfo, ucondze enshonalanga, eveni letintsaba, wendlule uye ehlane laseBhethi Aveni.

Joshuwa 7:2

Joshuwa wabe sewutfumela emadvodza aseseJerikho kutsi aye e-Ayi, lesedvute neBhethi Aveni, emphumalanga neBetheli, wabatjela watsi: “Yenyukani niyewuhlola lelive.” Ngako lamadvodza enyuka ayawuhlola i-Ayi.

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.

1 Samuweli 13:11

Samuweli wambuta watsi: “Sewenteni manje?” Sawula wamphendvula watsi: “Ngitsite kube ngibone kutsi emadvodza asayasakateka, nekutsi nawe awusefikanga ngalesikhatsi bewusibekile, nekutsi futsi emaFilisti asahlanganele eMikmashi,

1 Samuweli 13:2

Sawula wakhetsa emadvodza aka-Israyeli lati-3 000; lati-2 000 abenaye eMikmashi naseveni letintsaba laseBetheli, kwatsi inkhulungwane yaba naJonathani eGibeya yakaBhenjamini. Lawa lamanye emadvodza wawancandzekisa, aya emakhaya awo.

1 Samuweli 14:23

Ngako Simakadze wawasindzisa kanjalo ema-Israyeli ngalelo langa, imphi yachubeka eBhethi Aveni.

1 Samuweli 14:52

Kuwo onkhe emalanga ekuphila kwaSawula ema-Israyeli abelwa timphi letesabekako nemaFilisti. Sawula abetsi nakabona indvodza lenemandla nome lenesibindzi, ayitsatse ayifake ebutfweni lakhe.

1 Samuweli 17:1

EmaFilisti abutsa emabutfo awo awalungiselela imphi, awahlanganisela eSokho yakaJuda. Emisa emathende awo e-Efesi Damimu, emkhatsini weSokho ne-Azekha.

1 Samuweli 7:13

Ehlulwa kanjalo-ke emaFilisti, akazange aphindze ahlasele live lema-Israyeli. Kuwo onkhe emalanga ekuphila kwaSamuweli sandla saSimakadze sasiphambene nemaFilisti.