1 Samuweli 13:2 - Siswati 1996 Bible

² Sawula wakhetsa emadvodza aka-Israyeli lati-3 000; lati-2 000 abenaye eMikmashi naseveni letintsaba laseBetheli, kwatsi inkhulungwane yaba naJonathani eGibeya yakaBhenjamini. Lawa lamanye emadvodza wawancandzekisa, aya emakhaya awo.

1 Samuweli 13:2 Referencias Cruzadas

2 Samuweli 20:1

Lesinye sichomoketi lesasikhona lapho bekunguSheba, umsa waBikri, wesive sakaBhenjamini. Sona-ke sesuke sashaya impalampala samemetela satsi: “Asinasabelo kuDavide! Ngeke silandzele umsa waJese! Madvodza aka-Israyeli, asambeni emakhaya!”

2 Samuweli 21:6

sicela kutsi sinikwe batukulu bakhe labasikhombisa labadvuna, batewulengiswa lapha embikwaSimakadze eGibeya, edolobheni lakhe Sawula, inkhosi leyakhetfwa nguSimakadze.” Inkhosi yabaphendvula yatsi: “Ngitaninika bona.”

2 Samuweli 23:29

naHeledi, umsa waBhana, waseNethofa, na-Ithayi, umsa waRibayi, waseGibeya kulakaBhenjamini,

Ezra 2:27

emadvodza aseMikmashi abeli-122,

Nehemiya 11:31

Titukulwane takaBhenjamini kusukela eGeba tatihlala eMikmashi, nase-Ayija, eBetheli nasetabelweni tayo,

Joshuwa 18:28

neSela, ne-Helefu, lidolobha lemaJebhusi, lekuyiJerusalema, neGibeya, neKhiriyathi. Kwaba ngemadolobha lali-14 akanye nemiti yawo. Leli-ke kwaba lifa lelabelwa sive sakaBhenjamini, lusendvo ngelusendvo.

Joshuwa 22:6

Ngako Joshuwa wababusisa, wase uyabahambisa, babuyela emakhaya abo.

Tikhulu 19:12

Umnumzane waso wasiphendvula watsi: “Cha; singeke singenise edolobheni lebetive, bantfu labangesiwo ema-Israyeli. Sitakwendlula siye eGibeya.”

1 Samuweli 10:26

Sawula naye wabuyela ekhaya kakhe eGibeya asasingatfwe ngemadvodza labalulekile, latinhlitiyo tawo tatitsintfwe nguNkulunkulu.

1 Samuweli 10:5

“Nawusuka lapho, ubokhuphukela eGibeya yaNkulunkulu, lapho kunenkambu yemaFilisti khona. Utawutsi nawuyawungena kulelidolobha, uhlangane neludvwendvwe lwebaphrofethi lwehla lubuya endzaweni lephakeme, luphetse emahabhu, netingitali, netingubhu, nemintjingozi, luhambe lushaya, luphrofetha.

1 Samuweli 13:1

Sawula abeneminyaka lengema-30, nakabekwa kuba yinkhosi, wabusa sive sema-Israyeli iminyaka lengema-42.

1 Samuweli 13:11

Samuweli wambuta watsi: “Sewenteni manje?” Sawula wamphendvula watsi: “Ngitsite kube ngibone kutsi emadvodza asayasakateka, nekutsi nawe awusefikanga ngalesikhatsi bewusibekile, nekutsi futsi emaFilisti asahlanganele eMikmashi,

1 Samuweli 13:15

Samuweli wesuka eGilgali wenyuka waya eGibeya kaBhenjamini, Sawula wasala wabala onkhe lamadvodza labenawo. Wakhandza kutsi abengaba ngema-600.

1 Samuweli 13:16

BoSawula naJonathani, umsa wakhe, kanye nalamadvodza labenawo bahlala eGeba kulakaBhenjamini, kantsi emaFilisti abeseloku akambe eMikmashi.

1 Samuweli 13:23

Licembu lelitsite lemaFilisti laphakwa laya emsahweni waseMikmashi.

1 Samuweli 13:5

EmaFilisti nawo ahlangana ayakulwa na-Israyeli, aba netincola letatiti-3 000 nebagibeli bemahhashi lababeti-6 000, nemabutfo labemanyenti angangesihlabatsi saselwandle. Enyuka ayawumisa eMikmashi, emphumalanga neBhethi Aveni.

1 Samuweli 14:31

Ngalelo langa atsi ema-Israyeli nase ehlule emaFilisti labewagwaza, kusukela eMikmashi kuya e-Ayaloni, adzinwa kakhulu.

1 Samuweli 14:5

Liwa lelinye lalime ngasenyakatfo kuya ngaseMikmashi, bese kutsi leli lelinye lime ngaseningizimu kuya ngaseGeba.

1 Samuweli 14:52

Kuwo onkhe emalanga ekuphila kwaSawula ema-Israyeli abelwa timphi letesabekako nemaFilisti. Sawula abetsi nakabona indvodza lenemandla nome lenesibindzi, ayitsatse ayifake ebutfweni lakhe.

1 Samuweli 15:34

Samuweli wesuka waya eRama, kodvwa Sawula wenyuka waya kakhe eGibeya yaSawula.

1 Samuweli 24:3

Wahamba wefika etibayeni tetimvu endleleni, wakhandza kunemhume lapho, Sawula wangena wayawutikhulula kuwo. BoDavide nemabutfo akhe bebasekhatsi kulowo mhume babhacile.

1 Samuweli 26:2

Ngako Sawula wewuka waya eHlane laseZifu, ahamba nemadvodza akakhe elikhetselo lati-3 000 aka-Israyeli, kuyawufuna Davide.

1 Samuweli 8:11

watsi: “Naku-ke lokutakwentiwa ngulenkhosi letawubusa etikwenu: Itawutsatsa emadvodzana enu, iwabutse aphume nemphi yayo yetincola nemahhashi, iwakhekhetelise embikwetincola tayo.