1 Samuweli 13:18 - Siswati 1996 Bible

¹⁸ Lelinye lacondza ngaseBhethi Horoni, kwase kutsi leli lesitsatfu lacondza ngasemnyeleni lobheke ngaseTsafeni laseSeboyimu, kubheka ngasehlane.

1 Samuweli 13:18 Referencias Cruzadas

Genesisi 10:19

kangangekutsi umnyele welive lemaKhenani wawusuka eSidoni ushaye eGerari, naseGaza, naseSodoma, naseGomora, nase-Adma, naseSeboyimu uze ufike eLasha.

Genesisi 14:2

ahloma ayawuhlasela lamanye emakhosi lasihlanu, lekwakuboBhera, inkhosi yaseSodoma, naBhisha, inkhosi yaseGomora, naShinabe, inkhosi yase-Adema, naShemebere, inkhosi yaseSeboyimu, nenkhosi yaseBhela, leyiSowari.

1 Tikhronike 6:68

neJokmeyamu, neBhethi Horoni,

2 Tikhronike 8:5

Wavusa iBhethi Horoni Lengenhla naLengentasi, aba ngemadolobha labiyelwe ngetibondza nemasango lanemicabo,

Nehemiya 11:34

naseHadidi, naseSeboyimu, naseNebalathi,

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Joshuwa 10:10

Simakadze wabatsela ngeluvalo, besaba ema-Israyeli. Ema-Israyeli awehlula ema-Amori, awancoba ngelusiko lwenkemba emphini yaseGibeyoni, abacosha abenyusa ngendlela yaseBhethi Horoni, abaphetse abagwaza kwaze kwabase-Azekha, naseMakheda.

Joshuwa 10:11

Ema-Amori atsi asehla abalekela baka-Israyeli, ehla ngemgwaco losuka eBhethi Horoni uye e-Azekha, Simakadze wehlisa ematje lamakhulu esangcotfo, awehlisela etikwawo. Linyenti lema-Amori labulawa ngulamatje kunalabo labafa ngekugwazwa ngema-Israyeli.

Joshuwa 16:3

lehlele ngasenshonalanga eveni lesive semaJafulethi, kuze kuyewufika esifundzeni saseBhethi Horoni Lengentasi, lendlulele eGezeri, ligcine elwandle.

Joshuwa 16:5

Leli-ke bekulive lebaka-Efrayimu, lusendvo ngelusendvo: Umnyele wesabelo sabo wawusuka e-Atharothe Adari ngasemphumalanga, ucondze enhla neBhethi Horoni Lengenhla,

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.