1 Samuweli 12:13 - Siswati 1996 Bible

¹³ Manje-ke nayi inkhosi yenu lenitikhetsele yona, lena lenaniyifuna. Bukani-ke, Simakadze sewubeke inkhosi etikwenu.

1 Samuweli 12:13 Referencias Cruzadas

Hoseya 13:11

Ngako ngekutfukutsela kwami nganinika inkhosi, nangelulaka lwami ngaphindze ngayisusa.

Imisebenti yebaPhostoli 13:21

Lapho bacela inkhosi, Nkulunkulu wabanika Sawula, indvodzana yaKishi, wesive sakaBhenjamini, waba yinkhosi yabo iminyaka lengema-40.

1 Samuweli 10:24

Samuweli watsi kubantfu: “Niyambona-ke umuntfu lokhetfwe nguSimakadze? Kute namunye lofanana naye kubo bonkhe labanye bantfu.” Sive sonkhe samemeta satsi: “Lunwele loludze! Nkhosi!”

1 Samuweli 11:15

Ngako sonkhe sive saya eGilgali, sayawucinisa khona kubekwa kwaSawula kutsi abe yinkhosi embikwaSimakadze. Ngulapho-ke lapho bafike benta imihlatjelo yekuthula embikwaSimakadze. Sawula naso sonkhe sive sema-Israyeli sajabula kakhulu ngalelo langa.

1 Samuweli 12:17

Akusiso sikhatsi sekuvuna kolo yini nyalo? Ngitawubita Simakadze atfumele kudvuma nemvula. Nitawube seniyabona-ke kutsi nenta intfo lembi kangakanani emehlweni aSimakadze ngalokutsi niticelele inkhosi.”

1 Samuweli 12:19

Bonkhe bantfu bakhuluma kuSamuweli, batsi: “Thandaza kuSimakadze Nkulunkulu wakho, uthandazele tinceku takho singete safa, ngobe sesengete kuto tonkhe letono tetfu lesinye sono ngekutsi siticelele inkhosi.”

1 Samuweli 8:5

Bafike bakhuluma kuye, batsi: “Sewumdzala, kantsi nemadvodzana akho akatiphatsi kahle njengawe; manje sale usibekela inkhosi, kuze natsi sibe njengaletinye tive, sibe nenkhosi letasihola.”

1 Samuweli 9:20

Macondzana netimbongolo letinilahlekele kulamalanga lamatsatfu lendlulile, ungakhatsateki ngato; setitfolakele. Sifiso sesive sonkhe sema-Israyeli sijike sacondzana nabani, ngaphandle kwakho nemndeni weyihlo?”