1 Samuweli 11:11 - Siswati 1996 Bible

¹¹ Ngakusasa Sawula wahlela imphi yakhe, wayehlukanisa ticheme letintsatfu; kwatsi ekuseni nakudzabuka kusa batseleka enkambu yema-Amoni, bawagwaza bawabulala, laze lafutfumala lilanga. Kwatsi labo labaphunyula bahlakaka, kwabate namunye lobaleka nalomunye.

1 Samuweli 11:11 Referencias Cruzadas

Genesisi 22:14

Ngako-ke Abrahama wetsa leyo ndzawo libito, watsi: “Simakadze uyatibonela.” Nalamuhla lendzawo bantfu basayibita ngekutsi: “Simakadze uyatibonela entsabeni.”

2 Samuweli 18:2

Wase uyawakhipha ngeticheme letintsatfu, sinye saphuma naJowabe, lesinye saphuma na-Abishayi, umnakaboJowabe, sekugcina wasikhipha na-Ithayi, umGathi. Inkhosi Davide yakhuluma kulamabutfo, yatsi: “Nami cobo lwami ngitawushuca kanye nani.”

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Eksodusi 14:24

Kwatsi kuseluvivi, Simakadze wabuka phansi asensikeni yemlilo neyelifu abuka imphi yemaGibhithe, emabutfo aseGibhithe wawasanganisa.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.

Tikhulu 4:16

Kodvwa Bharaki wacosha tincola kanye nayo yonkhe imphi, waze wayawufika eHaroshethi Hagoyimu. Onkhe emabutfo aSisera awa ngelusiko lwenkemba, kwabate ngisho namunye lowaphunyuka.

Tikhulu 7:16

Wahlela lamadvodza langema-300, wawenta emabutfo lamatsatfu. Onkhe lamadvodza wawanika emacilongo nemajeke labengenalutfo, kanye netidlwane lebetisekhatsi emajekeni, watsi ngulowo nalowo akakubambe ngetandla.

Tikhulu 7:20

Onkhe-ke lamabutfo lamatsatfu ashaya emacilongo awo afohlota nalamajeke awo, abambe letidlwane ngesancele, ngesekudla aphetse lamacilongo labewashaya, amemeta atsi: “Inkemba yaSimakadze naGideyoni!”

Tikhulu 9:43

Ngako watsatsa lamabutfo akhe wawehlukanisa ticheme letintsatfu, watsi atibhace lena emasimini. Watsi nakabona bantfu baphuma edolobheni, wavuka wayawubahlasela nekubabulala.

1 Samuweli 11:2

Kodvwa Nahashi, um-Amoni, watsi: “Ngitasenta sivumelwane nani kuphela naningangivumela kutsi ngikupulute liso langasekudla kini nonkhe, kuze ngitsele lihlazo kuso sonkhe sive sema-Israyeli.”

1 Samuweli 14:47

Watsi kube Sawula abekwe kuba yinkhosi yema-Israyeli, walwa nato tonkhe titsa takhe letatimtungeletile: emaMowabi, nema-Amoni, nema-Edomu, nemakhosi aseSobha kanye nemaFilisti. Abetsi lapho ajikele ngakhona, ente umonakalo.