1 Samuweli 10:3 - Siswati 1996 Bible

³ “Utawusuka-ke lapho uchubeke uhambe, uze ufike esihlahleni lesikhulu sem-okhi saseThabori. Utawuhlangana nemadvodza lamatsatfu lapho, akhuphukela kuNkulunkulu eBetheli. Lenye itabe iphetse emazinyane lamatsatfu etimbuti, lena lenye iphetse imikhama yetinkhwa letintsatfu, lenye iphetse sikhumbasikhwama lesigcwele liwayini.

1 Samuweli 10:3 Referencias Cruzadas

Genesisi 28:19

Lendzawo wayetsa libito watsi yiBetheli, kodvwa ekucaleni lelidolobha lalibitwa ngekutsi yiLuzi.

Genesisi 28:22

Lelitje lengilimise la, kutsi libe sikhumbuto, litawuba yindlu yaNkulunkulu. Kuko konkhe langipha kona ngiyakumnika kwelishumi.”

Genesisi 35:1

Nkulunkulu wakhuluma kuJakobe watsi: “Suka lapha, ukhuphuke uye eBetheli uyewuhlala khona; ungakhele lilati lapho mine Nkulunkulu ngabonakala kuwe ngesikhatsi ubalekela Esawu, umnakenu.”

Genesisi 35:3

Sitawusuka la siye eBetheli, lapho ngitawufika ngakhe khona lilati laNkulunkulu, lowangiva wangiphendvula ngesikhatsi sekuhlupheka kwami, nalowaba nami yonkhe indzawo lapho ngangihamba khona.”

Tihlabelelo 89:12

Inyakatfo neningizimu kwadalwa nguwe. Intsaba iThabhori nentsaba iHemoni kudvumisa libito lakho ngenjabulo.

Jeremiya 32:8

“Ngako-ke, njengobe Simakadze abeshito, umzala wami Hanameli weta kimi esibuyeni sabogadzi, watsi: ‘Tsenga insimi yami e-Anathothi, eveni lakaBhenjamini. Njengobe kulilungelo lakho kutsi uyihlenge ibe yakho, titsengele yona.’ “Ngavele ngati kutsi leli bekulivi laSimakadze;

Levithikusi 1:10

“Nangabe anikela ngemvu nome ngembuti kutsi ibe ngumnikelo wekushiswa, kufanele kube sihhanca nome siwewe lesingenasiyela.

Levithikusi 23:13

kanye nemnikelo walokutinhlavu longemakhilogremu langaba mabili afulaha lobhicwe nemafutsa. Lowo ngumnikelo lowentiwa ngemlilo kuSimakadze, liphunga lelinuka lusi lolumnandzi kuSimakadze. Niyakuwunikela kanye nemnikelo weliwayini longagcwala lilitha linye.

Levithikusi 3:12

“Nangabe umuntfu anikela ngembuti, kufanele ayetfule kuSimakadze,

Levithikusi 3:6

“Nangabe yimvu nome yimbuti lena lesetjentiswa emnikelweni wekuthula, ingaba yindvuna nome ibe yinsikati, kodvwa kufanele kube ngulengenasiyela.

Levithikusi 7:13

Ngetulu kwalomnikelo wakhe wekuthula layawubonga ngawo uyawuletsa umpotongwane lonembiliso.

Joshuwa 19:12

Wawusuka eSaridi ucondze emphumalanga ucondzane nekuphuma kwelilanga eveni laKhislothi Thabori, uhambe ucondze eDabherathi, wenyuke ucondze eJafiya.

Joshuwa 19:22

Umnyele wawugudla iNtsaba iThabori neShahasima, neBhethi Shemeshi ugcine eJordane. Kwaba ngemadolobha lali-16 akanye nemiti yawo.

Tikhulu 20:18

Baka-Israyeli bakhuphukela eBetheli, bayawubuta kuNkulunkulu, batsi: “Ngubani kitsi lotawuphuma kucala kuyawulwa nebakaBhenjamini?” Simakadze wabaphendvula watsi: “BakaJuda labatawuphuma kucala.”

Tikhulu 20:23

Baka-Israyeli bakhuphuka bayawukhala embikwaSimakadze laze layawushona, solomane babuta kuSimakadze, batsi: “Siphindze yini sikhuphuke siyekulwa nabomnaketfu bakaBhenjamini?” Simakadze wabaphendvula watsi: “Khuphukani niyekulwa nabo.”

Tikhulu 20:27

Baka-Israyeli babebuta kuSimakadze. Ngalawo malanga libhokisi lesivumelwane saSimakadze lalisemkhatsini wabo,

Tikhulu 4:12

Batsi kube bamtjele Sisera kutsi Bharaki, umsa wa-Abinowami, sewukhuphukele eNtsabeni iThabori,

Tikhulu 4:6

Watfumela kutsi kubitwe Bharaki, umsa wa-Abinowami, eKhedeshi kulakaNaftali, walayeta kuye watsi: “Simakadze, Nkulunkulu wema-Israyeli, ukuyala utsi: ‘Hamba uyewutsatsa emadvodza lati-10 000 akaNaftali newakaZebuloni uwahole uye eNtsabeni iThabori.

Tikhulu 8:18

Wabuta boZeba naSalmuna watsi: “Bekubobani lamadvodza lenawabulala eThabori?” Bamphendvula batsi: “Lamadvodza abefanana nawe ngulowo nalowo abenesimo sebuntfwabenkhosi.”

1 Samuweli 10:4

Batakubingelela bakuphe tinkhwa letimbili, ubotitsatsa.