1 Samuweli 10:2 - Siswati 1996 Bible

² Utawutsi nawusuka lapha kimi lamuhla nje, uhlangane nemadvodza lamabili ngasethuneni laRakheli leliseSelsa emnyeleni wakaBhenjamini. Batawutsi kuwe: ‘Letimbongolo lebewuyewutifuna setitfolakele. Manje uyihlo sewuyekele kucabanga ngato, sewukhatsateke ngani. Utibuta atiphendvule atsi: “Ngitakwenta njani mine ngendvodzana yami?” ’

1 Samuweli 10:2 Referencias Cruzadas

Genesisi 35:16

Jakobe nemuti wakhe batfutsa eBetheli, batsi basesekhashane ne-Efratha, Rakheli wafikelwa sikhatsi sekubeleka; wahelwa kamatima.

Genesisi 48:7

Loku ngikwenta ngenca yekudzabuka lengaba nako nangifelwa ngunyoko Rakheli, ngisesendleleni ngisuka eMesophothamiya sengitawufika e-Efratha, eveni laseKhenani. Ngamngcwaba e-Efratha.” Manje leyo ndzawo seyibitwa ngekutsi yiBhetlehema.

Jeremiya 31:15

Naku lokushiwo nguSimakadze, utsi: “Kuvakala livi lekukhala eRama, yebo, livi lekulila nekukhala lokukhulu, Rakheli akhalela bantfwabakhe angasavumi nekudvudvutwa, ngobe bantfwabakhe bebangasekho.”

Joshuwa 18:28

neSela, ne-Helefu, lidolobha lemaJebhusi, lekuyiJerusalema, neGibeya, neKhiriyathi. Kwaba ngemadolobha lali-14 akanye nemiti yawo. Leli-ke kwaba lifa lelabelwa sive sakaBhenjamini, lusendvo ngelusendvo.

1 Samuweli 10:16

Sawula waphendvula watsi: “Usitjele liciniso lonkhe, watsi timbongolo setitfolakele.” Kodvwa akazange amtjele malume wakhe kutsi utsiteni ngekubekwa kwakhe kuba yinkhosi.