1 Samuweli 10:19 - Siswati 1996 Bible

¹⁹ Kodvwa nyalo senimlahlile Nkulunkulu wenu lowanisindzisa kuto tonkhe tinhlupheko tenu netinhlungu tenu, nase nitsi: ‘Hhayi, sibekele inkhosi.’ Ngako-ke tetfuleni nine cobo lwenu embikwaSimakadze ngetive tenu, nangemindeni yenu.”

1 Samuweli 10:19 Referencias Cruzadas

Taga 16:33

Bantfu bangayenta inkatho nabafuna intsandvo yaNkulunkulu; kodvwa imphendvulo incunywa nguye, Simakadze.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Numeri 11:20

kodvwa niyakuyidla inyanga yonkhe, ize iphume nangemakhala, inenyanyise, ngobe senimlahlile Simakadze losemkhatsini wenu, nakhala kuye natsi: “Empeleni saphumelani khona lena eGibhithe?” ’ ”

Numeri 17:2

“Khuluma kuma-Israyeli akunike tindvuku letili-12, yinye kuleso nakuleso sive lephuma kumholi waso. Bhala libito laleyo naleyo ndvodza endvukwini yayo.

Dutheronomi 17:14

“Niyawutsi ningangena kulelive Simakadze Nkulunkulu wenu lanipha lona kutsi libe lenu nakhe kulo, niyawube senitsi: ‘Natsi asitibekele inkhosi njengaletive tonkhe lesakhelene nato,’

Joshuwa 24:1

Joshuwa wase uhlanganisa tonkhe tive taka-Israyeli eShekhemu. Wabita tonkhe tibondza, nebaholi, nebehluleli kanye netiphatsimandla taka-Israyeli, batetfula bona matfupha embikwaNkulunkulu.

Tikhulu 8:23

Kodvwa Gideyoni wawatjela watsi: “Ngingeke nginibuse, ngisho nemsa wami imbala. NguSimakadze lotanibusa.”

1 Samuweli 10:20

Kwatsi Samuweli nakasondzeta tonkhe tive tema-Israyeli, kwakhetfwa sive sakaBhenjamini.

1 Samuweli 12:12

“Kodvwa nine nitsite kube nibone kutsi Nahashi, inkhosi yema-Amoni, uyanisukela, nase nitsi kimi: ‘Hhayi; tsine sesifuna inkhosi letawubusa etikwetfu.’ Kodvwa noko Simakadze Nkulunkulu wenu abeyinkhosi yenu.

1 Samuweli 14:23

Ngako Simakadze wawasindzisa kanjalo ema-Israyeli ngalelo langa, imphi yachubeka eBhethi Aveni.

1 Samuweli 14:38

Ngako-ke Sawula watsi: “Wotani lapha, nine nonkhe lenitindvuna temabutfo, sitewutfolisisa kahle kutsi sono sini lesentiwe lamuhla.

1 Samuweli 3:21

Simakadze waphindze watibonakalisa eShilo; ngobe lapho Simakadze watembula kuSamuweli ngelivi laSimakadze.

1 Samuweli 4:1

Livi laSamuweli lalivakala lihloniphekile kuso sonkhe sive sema-Israyeli. Ema-Israyeli akhuphuka ayakulwa nemaFilisti. Ema-Israyeli afike akamba e-Ebheni Eza, kwatsi emaFilisti wona akamba e-Afeki.

1 Samuweli 8:19

Kodvwa sive sema-Israyeli sala kulalela Samuweli. Satsi: “Cha! Sifuna inkhosi letasihola.

1 Samuweli 8:5

Bafike bakhuluma kuye, batsi: “Sewumdzala, kantsi nemadvodzana akho akatiphatsi kahle njengawe; manje sale usibekela inkhosi, kuze natsi sibe njengaletinye tive, sibe nenkhosi letasihola.”