1 Samuweli 1:9 - Siswati 1996 Bible

⁹ Ngalesinye sikhatsi batsi kube bacedze kudla nekunatsa eShilo, Hana wasukuma. Eli, umphristi, abehleti esihlalweni eceleni kwemnyango welithempeli laSimakadze.

1 Samuweli 1:9 Referencias Cruzadas

2 Samuweli 7:2

wase ukhuluma kuNathani, umphrofethi, watsi: “Buka la, mine ngihleti kahle esigodlweni lesakhiwe ngemisedari, kodvwa libhokisi lesivumelwane saNkulunkulu lihleti ethendeni.”

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 29:9

Liphimbo laSimakadze litalisa tinyamatane liphundle emahlatsi asale akhanya, nelithempeli lonkhe lidvumisa ngekumemeta ngavi linye, litsi: “Ludvumo!”

Tihlabelelo 5:7

Kepha mine ngiyawungena endlini yakho ngekwengcebo yemusa wakho, ngikukhonte ngenhlonipho yekwesaba ethempelini lakho lelingcwele.

Eksodusi 21:6

ngako umtsengi waso kufanele asitsatse asimikise kuNkulunkulu endzaweni yekukhonta. Utawumenta eme eceleni kwemnyango nome kwensika yemnyango, abhobose indlebe yaso ngelusungulo. Sesiyawumsebentela simkhonte imphilo yaso yonkhe.

1 Samuweli 1:10

Ngenca yebuhlungu nekukhatsateka kwakhe emphefumulweni, Hana wakhala kakhulu, wathandaza kuSimakadze.

1 Samuweli 3:15

Samuweli walala kwaze kwasa; kwase kutsi nakusa, wahamba wayakuvula iminyango yendlu yaSimakadze. Wesaba kutjela Eli lombono,

1 Samuweli 3:3

Sibane saNkulunkulu sasingakacimi, naSamuweli alele phansi ethempelini laSimakadze, lapho bekunelibhokisi lesivumelwane saNkulunkulu khona.

1 Samuweli 4:13

Watsi achamuka nje, nango Eli ahleti esihlalweni sakhe ngasemgwacweni, abheke elukhalweni, ngobe inhlitiyo yakhe yayincenekile ngelibhokisi lesivumelwane saNkulunkulu. Satsi nje lesigijimi singena emabaleni elidolobha, sabe silandzisa ngaloko lokwase kwentekile, lidolobha lonkhe latsi mpu umsindvo selikhala.