1 Samuweli 1:5 - Siswati 1996 Bible

⁵ Kodvwa abetsi nakabela Hana, incenye yakaHana ayiphindze kabili, ngobe abemtsandza kakhulu; Simakadze abesivalile sitalo saHana.

1 Samuweli 1:5 Referencias Cruzadas

Genesisi 11:30

Sarayi abeyinyumba, ate bantfwana.

Genesisi 16:1

Sarayi, umka-Abrama, abengenamntfwana. Abenesisebenti lesasingumGibhithe lesasibitwa ngekutsi nguHagari.

Genesisi 20:18

Phela Simakadze abesavale tonkhe titalo tebemndeni waka-Abimeleki ngenca yaSara, umka-Abrahama.

Genesisi 30:1

Watsi kube Rakheli abone kutsi akamtaleli Jakobe bantfwana, waba nesikhwele ngadzadzewabo. Watsi kuJakobe: “Ngiphe bantfwana, ngaphandle kwaloko ngitakufa!”

Genesisi 30:2

Jakobe watfukutselela Rakheli, wadzimate watsi: “Kantsi mine nginguNkulunkulu yini, longuyena avale sitalo sakho?”

Genesisi 43:34

Batsi nabanikwa kudla kwasetafuleni laJosefa, kwakaBhenjamini kwaphindvwa kahlanu kunekwabo bonkhe. Ngako-ke badla, banatsa, bajabula kanye naye.

Genesisi 45:22

Kwaba ngulowo nalowo wamnika ingubo yekushintja; kodvwa Bhenjamini wamnika tinhlavu tesiliva letingemakhulu lamatsatfu netingubo letisihlanu tekushintja.

Dutheronomi 21:15

“Nangabe indvodza inebafati lababili, bese itsandza lona lomunye kwendlula lona lomunye, bobabili bese batubula ngebafana kodvwa litubulo lekucala kube ngelalomfati losaliwakati,