1 Samuweli 1:23 - Siswati 1996 Bible

²³ Elkhana, indvodza yakhe, watsi kuye: “Yenta loko lobona kukulungela kakhulu. Hlala lapha, uze umlumule lomntfwana; shangatsi Simakadze angenta leso setsembiso sibe liciniso.” Ngako Hana wahlala ekhaya, wakhulisa umntfwana, waze walunyulwa.

1 Samuweli 1:23 Referencias Cruzadas

2 Samuweli 7:25

“Manje-ke, Simakadze Nkulunkulu, sale usigcina setsembiso sakho losentile macondzana nenceku yakho kanye nendlu yayo. Yenta njengobe wetsembisile,

1 Emakhosi 3:21

Ngitsite ngiyavuka ekuseni ngifuna kumunyisa umntfwanami, ngakhandza afile! Kodvwa ngitsite ngiyambukisisa nase kusile sekukhanya, ngabona kutsi akusiye lowami lengimbelekile.”

Tihlabelelo 22:9

Empeleni nguwe lowangikhipha esiswini samake; wangenta ngetsembela kuwe, kusukela ngisamunya.

Isaya 44:26

Ngimi lofeza emavi etinceku takhe, aphumelelise tiphrofetho tetitfunywa takhe, lotsi ngeJerusalema: ‘Itawuhlalwa bantfu,’ nangemadolobha akaJuda atsi: ‘Atakwakhiwa,’ nangetindzala tawo atsi: ‘Ngitativusetela.’

Numeri 30:12

Kodvwa nangabe indvodza yakhe imalela kutsi atifeze leto tetsembiso netincumo takhe ngesikhatsi iva ngato, leto tetsembiso netincumo takhe latishito ngemlomo wakhe atiyikuma. Indvodza yakhe itawube itente lite, Simakadze uyakumkhulula kuto.

Matewu 24:19

Kepha maye kulabayawube batetfwele nakulabayawube bamunyisa ngaleto tikhatsi!

Lukha 11:27

Watsi asakhuluma Jesu, kwase kuphahluka lomunye umfati esicunjini watsi kuye: “Maye, ubusisiwe lomfati lowakutala nalamabele lakumunyisa!”

1 Samuweli 1:17

Eli waphendvula watsi: “Hamba ngekuthula, shangatsi Nkulunkulu wema-Israyeli angakupha loko lokucele kuye.”

1 Samuweli 14:36

Sawula wakhuluma watsi: “Asehle sicoshe lamaFilisti kulobusuku, khona sitekuwagwaza kuze kuse, singashiyi nome munye wawo aphila.” Baphendvula batsi: “Yenta loko lokubona kukuhle kakhulu kuwe.” Kodvwa umphristi watsi: “Ase sicale ngekuyawubuta Nkulunkulu kutsi utsini yena.”

1 Samuweli 14:40

Sawula wakhuluma kuwo onkhe ema-Israyeli, watsi: “Manini ngalapho, mine nemsa wami, Jonathani, sitakuma ngalapha.” Lamadvodza amphendvula atsi: “Yenta loko lobona kukuhle kakhulu kuwe.”