1 Samuweli 1:22 - Siswati 1996 Bible

²² Hana wangete wenyuka. Wakhuluma endvodzeni yakhe, watsi: “Utawutsi lomntfwana angalunyulwa, bese ngiyamtsatsa ngiyakumnikela kuSimakadze, bese uvele uyasala, uhlala khona lapho.”

1 Samuweli 1:22 Referencias Cruzadas

Tihlabelelo 110:4

Simakadze wafunga, futsi angeke agucuke, watsi: “Wena ungumphristi loyawuhlala akhona kuze kube phakadze ngekuma kwaMelkhisedeki.”

Tihlabelelo 23:6

Impela, lokuhle nemusa kuyawungilandzela imihla yonkhe yekuphila kwami. Ngiyawuhlala endlini yaSimakadze kuze kube phakadze.

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Eksodusi 21:6

ngako umtsengi waso kufanele asitsatse asimikise kuNkulunkulu endzaweni yekukhonta. Utawumenta eme eceleni kwemnyango nome kwensika yemnyango, abhobose indlebe yaso ngelusungulo. Sesiyawumsebentela simkhonte imphilo yaso yonkhe.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Levithikusi 25:23

“ ‘Indzawo aniyiwuyitsengisa siphelane, ngobe phela lelive ngelami, nine nitihambi nebacashi bami.

Lukha 2:22

Kwatsi kube kuphele sikhatsi sekuhlanjululwa kwabo lokwamiswa ngumtsetfo waMosi, base bamletsa eJerusalema kuze batewumnikela eNkhosini,

Dutheronomi 16:16

“Onkhe emadvodza esive sakini kufanele ete katsatfu ngemnyaka atetibonakalisa kuSimakadze Nkulunkulu wenu kuleyo ndzawo Simakadze latayikhetsa: eMkhosini Wesinkhwa Lesingenambiliso, naseMkhosini Wemaviki, naseMkhosini Wemadlangala. Kufanele kubete indvodza leyawuta itetibonakalisa kuSimakadze ingakaphatsi lutfo.

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”

1 Samuweli 1:28

Ngako manje sengimletse kuSimakadze. Kuko konkhe kuphila kwakhe utawuba waSimakadze.” Samuweli wabe sewukhonta Simakadze khona lapho.

1 Samuweli 13:13

Samuweli wamphendvula watsi: “Lentfo loyentile ibulima. Awukawugcini umyalo waSimakadze Nkulunkulu wakho lakunika wona. Kube bewukwentile loko, ngabe lombuso wakho etikwa-Israyeli uwusimise, wema kokuphela.

1 Samuweli 2:11

Elkhana wabe sewubuyela ekhaya lakhe eRama, kodvwa lomfana wakhe wasala akhonta Simakadze ngaphansi kwemphristi Eli.

1 Samuweli 2:18

Samuweli abekhonta ethempelini laSimakadze, angumfanyana, avunula sidziya sebaphristi selineni lecolisakele.

1 Samuweli 28:2

Davide wakhuluma ku-Akhishi, watsi: “Nawe utatibonela ngewakho emehlo kutsi inceku yakho itakwentani.” Akhishi waphendvula watsi: “Kulungile, ngitakwenta ube ngulomunye wetindvuna tami letingisingatsako, imphilo yakho yonkhe.”

1 Samuweli 3:1

Umfana Samuweli abekhonta Simakadze ngaphansi kwa-Eli. Kulawo malanga livi laSimakadze lase lilivelakancane, nemibono yayingasekavami.